לית מחשבה תפיסא בי' - דעם אויבערשטן קען מען נישט תופס זיין. אבער דורך תורה קען מען אים יא תופס זיין. דער שכל איז תופס און מקיף דעם מושכל וואס איז מלובש אינעם שכל. אזוי אויך איז דער שכל אנגעטוהן און ארומגענומען מיטן מושכל. א דבר תורה/הלכה איז דעם אויבערשטענס רצון אפילו אויב ס'איז לכאורה קיינמאל נישט נוגע. דאס איז א יחוד וואס איז נישט פארהאן איר גלייכן. די מעלה פון פארשטיין לערנען און השגת התורה איבער אלע אנדערע מצוות אריינגערעכנט דיבור אין תורה. אלע מצוות זענען לבושים פאר די נשמה אבער תורה איז די מזון - אויב מ'לערנט תורה לשמה.