په "نا ویلې خبرې" خپرونه کې مو دا ځل پر دې بحث کړی دی چې په پښتني ټولنه کې د هلکانو په نسبت د نجونو د کم تعلیمي کچ لاملونه څه دي. د پاکستان حکومت وايي، په هغه هېواد کې تر ۲۶ مېلیونه زیات ماشومان ښوونځيو ته نه ځي چې زیات شمېر یې نجونه دي. دا په داسې حال کې ده چې ملګري ملتونه د جنورۍ پر ۲۴مه د تعلیم نړیواله ورځ لمانځي او پر حکومتونو یې غږ کړی دی چې تعلیم ته دې توجه زیاته کړي. په پاډکاسټ کې د تعلیمي چارو د سرکاري سلاکارانو ډلې غړی عمر اورکزی او په خیبر پښتونخوا کې د نجونو د تعلیم لپاره کارکوونکې فعاله رضیه مسیده مېلمانه دي. بشپړه خپرونه واورئ.