مين اللي حتى الكُلّ لو باعني
حُضنَها يسَعْني!

مين اللي لو تِعبِتْ تخبِّي
مين اللي لو زِعلِتْ تخبِّي
ولو فرَّحتَها مَرَّه
تشهِّد نجوم السما
إنها عِرفِتْ تربِّي

مين اللي شايفاك بطل
راجل حكيم عاقل
في كلّ كلامك
انتَ الفعل والفاعل
آسر يا واد كل القلوب
وانتَ يادوب غلبان
مفعول به منصوب

مين اللي من بين النجوم
طلِّتها زي القمر
مين اللي عندي أغلى
من كل البشر

مين سندريلا وعبله وبهيَّه
دول مهما يتغندروا
هيَّ الدلال هيَّ

مين اللي أفديها
بقلبي وروحي وبدمِّي
الإجابة
هيَّ أُمِّي

كلمات وإلقاء: أحمد الخولي