Еўрарадыё ў рубрыцы "Без намёкаў" прыгадвае самы крывавы эпізод Баснійскай вайны. Гэта экскурс у сусветную гісторыю - усе паралелі з сучаснай Беларуссю і яе саюзнікамі выпадковыя / Разня ў Срэбраніцы - прыклад сапраўднага генацыду. Усяго за некалькі дзён былі знішчаны 7-8 тысяч чалавек. Для параўнання: зараз насельніцтва горада складае менш за 3 тысячы чалавек. Разню арганізавала Рэспубліка Сербская - дзяржаўнае ўтварэнне, якое абвясцілі прадстаўнікі мясцовага хрысціянскага сербскага насельніцтва. А ахвярамі сталі баснійцы-мусульмане.