承接上一集，我哋討論咗 AI 對學生嘅影響，包括習作愈來愈容易代寫、學習方式變得碎片化，甚至影響學生對閱讀與思考嘅投入。不過，AI 帶來嘅震盪，其實同時亦落喺老師同整套評核制度身上。大班授課、助教批改、分數曲線、期末為主嘅評核方法，本來就存在不少結構性問題；AI 出現之後，老師嘅工作、評分標準、公平性要求同專業判斷，都同時受到挑戰。 今集我哋將焦點放喺老師，探討 AI 點樣改變老師嘅工作包括討論如何評核工作、制度出現咩漏洞、老師點樣維持教學質素，並同導師一齊搵返初心，思考未來教育制度應該走邊一個方向。 主持：啟明、Hugo -- Hosting provided by SoundOn