你知唔知 Apple 教主 Steve Jobs 嘅招牌黑色高領長袖衛衣，其實同 Sony 有莫大關係？究竟呢兩間看似風馬牛不相及嘅科技巨頭，點解會有咁奇妙嘅交集？ 今集，我哋會帶你返到二戰後嘅日本，探討 Sony 呢個傳奇品牌，點樣由東京一間炸爛咗嘅百貨公司廢墟中誕生。我哋會深入了解兩位創辦人——技術天才井深大，以及精於營銷、大膽拒絕十萬部巨額訂單嘅盛田昭夫，佢哋之間合作無間嘅夥伴關係同經營哲學。 從第一個失敗嘅「電飯煲」，到成功開發日本第一台磁帶錄音機、再到斥巨資買入晶體管技術，推出改變世界對「日本製造」睇法嘅 TR-55 晶體管收音機。呢集節目將會揭示 Sony 點樣憑藉創新、對品質嘅堅持，以及長遠嘅品牌目光，喺一片絕望中，一步步蛻變成全球科技巨頭嘅創業初期故事