2025連鞭就欲煞矣，從7月開始咧做的這檔節目嘛播出欲成半冬，產量無算濟，十捅外集爾爾。這逝路行著--樂暢、實在閣飽滇，雖罔做的內容無遐爾顯目、出擢，猶原有聽眾的幫贊 kah 支持，佇遮表達我深深的感謝！有一寡集數，收聽率無定著會衝，毋過我只要愛講這款物件，就會敢若siáu--ê kho̍k-kho̍k講，若穩當愛行這號路線、講這號物件才會有人聽，我甘願莫錄。因為我的目標毋是市草興旺，是欲做有意義的節目，做甲和我家己都會kah意聽。若是按呢生，我高中的日子嘛袂費氣、放蕩去矣。