"ငါတို့အိမ်၊ ငါတို့မြို့၊ ငါတို့တိုင်းပြည်"
လမ်းမကြီးထက်က မခြောက်သေးသော
သွေးကွက်တွေ၊
သံတိုင်တွေနောက်က အချုပ်နှောင်ခံ
ဘဝတွေ၊
လျှောက်ခဲ့တဲ့လမ်းတွေဟာ မဖြောင့်တန်း
လျှောက်ကြတဲ့လမ်းတွေဟာ ကြမ်းတယ်။
နွေးထွေးတဲ့မြို့ကလေးကနေ
ထွက်လာခဲ့ကြရ၊
နွေးထွေးတဲ့အိမ်ကလေးကနေ
ခဏတာစွန့်ခွာခဲ့ကြရ၊
ယုံကြည်ချက်နဲ့ ယုံကြည်မှုပြင်းထန်ခြင်းက
ငါတို့တော်လှန်ရေးရဲ့ အောင်နိုင်ခြင်းပဲ။
သွေးစိမ်းရှင်ရှင်ထွက်နေတဲ့
တိုင်းပြည်ရဲ့ဒဏ်ရာကိုကုသဖို့၊
နာတာရှည်ရောဂါလိုစွဲကပ်နေတဲ့
အာဏာရှင်စနစ်ဆိုးကိုအမြစ်ဖျက်ဖို့၊
ကောင်းကင်ယံအထိ
ငါတို့ပျံသန်းလာခဲ့တယ်။
အာဏာရှင်တွေရဲ့နေဝင်ချိန်
ငါတို့အတွက်တော့ အရုဏ်ဦးပဲ၊
ကျေးငှက်လေးတွေရဲ့ အော်မြည်သံတွေနဲ့အတူ
တိုင်းပြည်သစ်တစ်ခုကိုတည်ထောင်မယ်၊
နွေးထွေးတဲ့ငါတို့မြို့လေးနဲ့
ငါတို့အိမ်ကိုပြန်မယ်။
-မင်းမွန်ဆောင်း