All content for Life In Poetry is the property of Pulkit Gour and is served directly from their servers
with no modification, redirects, or rehosting. The podcast is not affiliated with or endorsed by Podjoint in any way.
MANN ek aisi ajeeb cheez hai jo insaan ko pal bhar ke liye achaanak badal deta hai. Aur wo sochta reh jata hai ke ye uske sath kyu ho raha hai.
Kabhi bade MANN se koi film chalaata hu, par ekdum phone me notification aate hai MANN karta hai Facebook Instagram chala lu.
Kahi mithai ki dukaan me ghuste hi ek mehak ke aate hi to sochta hoon ke barfi kha lu,
Par MANN karta hai ke use chod ke ghar ka halwa hi kha lu.
Jab kabhi BEMANN se koi kitaab padhne baithata hu.
To duniya ka saare type ka shor
Bus aur Truckon ke horn.
Fridge ke darwaze ka khulna - band
hona.
Kisi nalke ki tap - tap.
Sab mere hi kaanon me baj rahe hote hai
Tab MANN bada kharaab hota hai.
Bade pyaar se kabhi Mummy - Papa ke liye koi dish banata hu.
Aur use banaate - banaate hi itna chakkh leta hu ke jab khaane lagte hai to pata nahi kyu bilkul MANN hi nahi karta.
Sabse ajeeb to tab lagta hai jab birthday pe sab apko zabardasti special feel karate hai.
Tab MANN bada confuse hota hai.
Kabhi achaanak maheeno baad apne khaas doston se milta hu.
Samaj nahi ata wo to bada jaldi guzar jaata hai.
Un sab baaton ko yaad karke.
MANN aadha dukhi aur khush ho jata hai.
Raat ko kabhi ghar me jhagdaa hota hai aur koi kisi ki nahi sunta aur na apas me baat karte hai .
Par sabka MANN ekdum halka - halka ho jata hai
Kabhi break-up pe rona,
Kabhi patch-up pe hansna.
Kabhi top hone ka confidence,
Kabhi fail hone ka darr.
Kahi tour pe jaane ka excitement,
Kahi waha se lautane ka dukh.Ye sab kuch humaari life me chalta rahega.
Par inki wajah se MANN ko kharaab karke nahi jee sakte.
Isliye zaroorat se zyaad khush hona aur zaroorat se zyada dukhi hona dono hi bure hai.
AUR HUMAARI SAARI LIFE IN SABSE MILKAR HI BANTI HAI
