في هاي الحلقة استضفنا الدكتور رامي محافظة، استشاري الجراحات النسائية، وجلس معنا يحكيلنا بكل بساطة عن الأشياء اللي ولا رجل بيسأل عنها… مع إنها بتأثر عليه وعلى حياته كل يوم. دخلنا في المواضيع اللي دايما بنخجل نحكي فيها: شو بصير مع المرأة بعد الولادة، ليش مزاجها يتغير قبل الدورة، ليش في أيام تكون ولا أحلى وإن أيام حساسة جدا، وشو هي المشاكل اللي أكثر الرجال ما بيعرفوا إنها موجودة أصلا. الدكتور رامي فسر كل شيء بطريقة سهلة ومفهومة، وفتح عيوننا على حقائق مهمة رح تغيّر طريقة فهمك وتعاملِك مع شريكتك...