Aldri har vel det blitt snakka meir om mobbing enn no og aldri har vi visst meir om mobbing som fenomen, eller? Kvifor blir ikkje mobbetala redusert i takt med kunnskap og regelverk? Mobbinga held fram – fysisk, psykisk og digitalt – sjølv om skulen følger regelverk og set inn tiltak. Kvifor stoppar det ikkje? I denne episoden av Fredagsfokus set vi søkelyset på leiingas rolle i å førebyggje og handtere mobbing. Korleis kan rektorar og mellomleiarar gripe inn tidleg, støtte tilsette og sikre at ingen elevar fell gjennom sprekkene i systemet? Vi diskuterer kva skuleleiarar kan gjere for å skape eit trygt og inkluderande læringsmiljø, styrke personalet sin kompetanse og sørge for at alle elevar føler seg sette og trygge. Med oss denne gongen er rektor ved Lillesund skole, Hanne Christine Gilje Birkeland, og fagpersonar frå RVTS Vest. Sendinga går live på Facebook og på RVTS vest si nettsider, https://www.rvtsvest.no/faghjornet/fredagsfokus/ .