એ લોકો પ્રેમમાં ક્યારેય ફાવતા જ નથી! કરે છે ખૂબ છતાં પણ જતાવતા જ નથી! એ કોણ છે? જો પ્રભુ નીચે આવતા જ નથી! જે દાન આપે તો છે પણ લખાવતા જ નથી! હો ચાલે એવું છતાં એ ચલાવતા જ નથી! ગઝલ ભજે છે, શ્વસે છે, સજાવતા જ નથી! કરે ન કાંઈ છતાં એની પણ મદદ કહેવાય, કોઈના દુઃખમાં જે હસતા હસાવતા જ નથી! વગર જીત્યે જ એ સંબંધમાં જીતેલા છે, જે એકબીજાને કદીયે હરાવતા જ નથી! છે માત્ર એમની ભૂલો જ માફીને લાયક, કરેલી ભૂલને જેઓ છૂપાવતા જ નથી! ઝુકેલું શીશ એ વંદન તો માત્ર એનું ગણાય, જે શીશ ખુદનું ગમે ત્યાં ઝુકાવતાં જ નથી! જીવનના રંગ ખરા તો એ ક્યાંથી જોઈ શકે? જે ખુદની સાથે તો ફોટા પડાવતા જ નથી! સંદીપ પૂજારા