Sot, në Ditën Ndërkombëtare të Rinisë, Dafina Peci, drejtuese e “Kongresit Rinor Kombëtar” është e ftuar në serinë e Podcastit “What you(th) doing?” për të folur rreth titullit “Tirana Kryeqyteti Europian i Rinisë 2022”.

“Kongresi Rinor Kombëtar”, si strukturë rinore mbështetëse e këtij titulli, dhe Bashkia e Tiranës, si qytet aplikues, nënshkruan një Marrëveshje Bashkëpunimi që i paraprin zbatimit të këtij programi ambicioz që do të synojë të adresojë nevojat e të gjithë të rinjve dhe do të përpiqet të lidhë qytetin dhe rininë e tij me vlerat evropiane.

Rreth 1000 aktivitete përgjatë 2022 do të zhvillohen me në fokus rininë.

Si mund të marrin pjesë të rinjtë në këtë program?

Cila është natyra e shumë aktiviteteve të caktuara për vitin 2022 dhe si mund të marrin pjesë organizatat e shoqërisë civile në këto aktivitete?