و تخيل معايا المشهد ده
هدوء تام في المسجد النبوي
الصحابة قاعدين حوالين سيدنا النبي ﷺ في سكينة و هدوء
فجأة يظهر في الأفق راجل غريب جاي من بعيد
دخل المسجد
هدومه بياضا و نظيفة
شعره اسواد مفيش عليه غبار السفر
و العجيب ان محدش يعرفه من الصحابة
الراجل ده اخترق صفوف الصحابة لحد ما وصل للنبي ﷺ
وقعد قدامه بمنتهى الأدب
الصحابة كلهم قاعدين مركزين مع الراجل
و ادار معاه حوار في صورة سؤال و جواب
و الحوار ده فيه الخلاصة
بنتعمق شوية بشوية داخل النفس النفس البشرية و بنحاول نعرف ازاي و امتى اتقابلت الروح مع الجسد و عقلك و قلبك تبع مين ؟؟ هل تبع روحك ولا من خواص جسدك ..
موضوع شائك
خليكم معانا نفك شفرته سوا
رحلة البحث عن المحرك الخفي للوجود الإنساني.
بينما استطاع العلم سبر أغوار الجسد وتفاصيله، بقيت 'الروح' اللغز الأكبر الذي يحير العقول والقلوب. نحن لسنا مجرد تفاعلات كيميائية أو خلايا بيولوجية؛ هناك سرٌّ يسكننا، يمنحنا المعنى، ويوجه بوصلتنا في الحياة.
بودكاست (ويسألونك عن الروح) هو مساحة للتأمل والبحث في جوهر الإنسان. لا نتوقف هنا عند الزاوية الدينية فحسب، بل نبحر في رحلة عابرة للتخصصات؛ نستنطق الفلسفة في تساؤلاتها الوجودية، ونطرق أبواب علم النفس لنفهم صلة الروح بالذات، ونستعرض التجارب الإنسانية التي لامست هذا النور الخفي.