هالحلقة تكلمت عن التعايش…
مو كاستسلام، ولا «خلّ الأمور تمشي»، لكن كا حل مؤقت لما ما يكون فيه حل.
بدون تنظير، ولا ادّعاء مثالية،
هي سواليف عن اختيار السلام والهدوء…
بس لو اللي قدامك يسوق بغشامة؟ التعايش ياخذ بريك خمس دقايق
في هالحلقة، أخذتكم معاي بتجربة مختلفة! مو زحمة الرياض ولا سواليف السيارة، هالمرة أسولف وأنا أتمشى بين أشجار حديقة الحي، مستمتعة برتم الإجازة البطيء وروقان اللحظة.
صح اني مو عالمه بس عندي بحر من كل قطرة
تبون تعرفون وش الكورتيزول؟ تبون تنظير على المدراء؟ تبون فلسفه عن الاريال يوقا؟ تبون توصيات ؟
كلش موجود فقط ارسل زيرو تلاتطعشر واسمع الحلقه
يالله صباح خير اليوم باخذكم معي فُل داي من الصباح لين المساء .. يقولون يوم الاحد لاتكلم احد بس اليوم فيني طاقه كلام، مافي شي جديد غير ٨ ساعات دوام وشوي صداع ينتظرني.
حبيت أشارككم يوم الربوع المميز مع شوية حلطمه وكثير من الفلسفة والهبد حتى بنت عمرو دياب ما خليتها بحالها!
تعالوا معي نجرب مشروب جديد ماتشا بالفراولة، بعطيكم تقييم صادق واعلمكم على مصطلح جديد ألفته وصدّقته.
هالمرة، مافي سكربت ولا ترتيب، بس خذوا نفس عميق واستعدوا لرحلة عفوية. هذي الحلقة مثل ما تكونوا معاي في السيارة، صوت الفرامل موجود والكلام الفاضي مو معقول!
يلا، خلونا نبدأ هالمشوار مع بعض.