الحلقة دي فيها مقتطفات من كل حلقات الموسم ٣
أتمنى تتابعونا في الوسم الجديد في ٢٠٢٦، علشان نسأل مع بعض أسئلة أكثر و نضحك و نفكر أكثر
هذه الحلقة تغوص في واحد من أكتر الأسئلة اللي بنتهرب منها كل آخر سنة:
“إيه الحاجة اللي معرفتش تحققها السنة دي… وليه بجد؟”
بنتكلم بصراحة عن الندم، والتوقعات اللي بتتكسر، والأهداف اللي بنكتبها وما بنقربش لها.
بنشرح بشكل علمي معنى الندم في علم النفس، ومفهوم النفس اللوامة في القرآن، وليه مش كل فشل اسمه فشل… أحيانًا كان توقيت غلط، طريقة غلط، أو حلم مش بتاعك أصلاً.
اسمع الحلقة واعرف ليه بعض القرارات الصعبة بتكون أعظم هدية في حياتك.
في الحلقة دي من بودكاست "سؤال عالهوا"، بنسأل: إيه القرار اللي أخدته وحسيت إنه أحسن قرار في حياتك؟
بنشارككم أقوى إجابات الجمهور: من قرارات الطلاق والزواج، لقرارات زي الهجرة، الرجوع لشغف قديم، أو حتى تشجيع فريق جديد!
هنتكلم كمان عن:
أنواع القرارات المصيرية اللي بتغير مجرى حياتنا
ليه بنغلط ساعات في قراراتنا؟
إزاي تاخد قرار صح من غير ندم؟
هل فعلاً الإحساس الداخلي (gut feeling) ممكن يُعتمد عليه
في الحلقة دي، بنفتح ملف العلاقة بين الشريكين لما يكون بينهم فارق سن كبير.
هل فعلاً “العمر مجرد رقم” ولا الرقم ده بيقلب المعادلة كلها؟
بنسمع آراء الجمهور، وبنحلّل علم النفس والاجتماع، وبنشوف أمثلة من التراث الإسلامي والسينما والمشاهير.
ليه بعض الرجال بيفضّلوا الأصغر؟ وليه بعض النساء بيفضّلوا الأكبر؟
هل النضج هو الأساس؟ وهل فرق السن بيأثر على الطلاق، على الأطفال، وعلى شكل العلاقة بعد سنين؟
وإمتى فرق العمر يتحوّل من نقطة قوة… لنقطة انهيار؟
الحلقة فيها مفاجآت وحقائق غريبة جدًا، ويمكن تغيّر طريقة نظرتك للعلاقات كلها.
اضغط استماع… لأن الموضوع أكبر بكتير من “رقم” على البطاقة.
هل الإنسان بيتغيّر أكتر لما يتوجّع قلبه… ولا لما يتشدّ عليه في الفلوس؟
في الحلقة دي بنفتح ملف ماحدّش بيقرب له عادة:
إزاي الصدمات المادية والعاطفية بتعيد تشكيل النفس، ولِمَن بيكون التأثير أعمق… القريب ولا الغريب.
هنمشي بين قصص حقيقية من المشاهير، وحكايات من التراث، ونظريات علم النفس، ونموذج Shift and Persist اللي بيشرح ليه ناس بتقوم من الوجع… وناس الوجع بيغيّر معدنها.
هنتكلّم عن الفقر المفاجئ والثراء المفاجئ، عن الخيانة، عن الإهانة، وعن اللي بيتحول لنسخة تانية من نفسه بعد ما ينكسر.
حلقة صريحة، إنسانية، وبتفتح باب للتساؤل عن شكل جروحنا… وإحنا بنقوم منها إزاي.
فعل صغير يعمل موجة كبيرة… Butterfly Effect.
كلمة، قرار، نظرة… تغيّر مصير إنسان.
بس هل ده كفاية عشان نصلّح عالم مليان فقر ومرض وحروب؟
في الحلقة دي بنحلّل إجابات الناس، وبنحكي قصص من أفلام زي Cloud Atlas وBruce Almighty.
وبنقارن بين الحلول الدينية والإنسانية… وهل لو مشاكل العالم اختفت فعلًا، الإنسان يلاقي نفسه أسعد؟
حلقة صريحة، عميقة، ومليانة جدل وأسئلة وجودية.
في الحلقة دي من سؤال عالهوا، بنتكلم عن اللحظة اللي كلنا استنيناها: أول مرتب!
الفرحة اللي بتخليك تحس إنك بقيت "حدّ كبير"، وبعدين الصدمة لما تكتشف إنك صرفت نصه في أول يوم!
هنسمع آراء الناس عن أول مرتبهم،
ونحكي عن إحساس إنك تقبض ثمن تعبك،
وليه الشغل لازم يتقدّر مش بس بالكلام… بالفلوس كمان.
هنتكلم عن انهيار العملة، وعن فكرة الرضا بالنفس،
وليه مقولة "إنت ابن الشركة" مش دايمًا بريئة زي ما شكلها بيقول.
اسمع الحلقة على Spotify – Anghami – Apple Podcasts
وسيب سؤالك في التعليقات: عملت إيه أنت بأول مرتب؟
في الحلقة دي من سؤال عالهوا، بنتكلم عن أكتر مشاعر الإنسان تعقيدًا: الخوف.
ليه في ناس بتخاف من أماكن مقفولة أو من صرصار؟ وليه ناس تانية مرعوبة من الجنّ والسحر والعين؟
هنسمع آراء الناس وتجاربهم الحقيقية، وهنغوص في علم النفس عشان نفهم الفوبيا وأسبابها،
ونكتشف مع بعض إزاي العقل بيخدعنا أوقات، وليه الخوف ممكن يبقى مفيد أكتر مما بنتخيل.
وهنشوف رأي الدين في موضوع الجنّ والسحر، وإزاي نحمي نفسنا من الخوف غير المبرر.
حلقة فيها علم، إيمان، وقصص أغرب من الخيال…
استعدّوا، لأن بعد الحلقة دي ممكن تبص لخوفك بشكل مختلف تمامًا.
في الحلقة دي من سؤال عالهوا، بنسأل السؤال اللي كلنا فكرنا فيه يومًا:
هل فعلاً "الاختلاف في الرأي لا يفسد للود قضية"؟
هنسمع آراء الناس، ونحللها بعين علم النفس، وهنشوف ليه في ناس الخلاف يقوّي علاقتها، وناس تانية بيبوّظه تمامًا!
هنتكلم كمان عن الفرق بين خلاف الستات والرجالة، وهنشوف إزاي الدين والتاريخ علمونا نتعامل مع الخلاف من غير ما نخسر بعض ❤️
شاركنا رأيك بصوتك أو في التعليقات👇
هل إنت مع أو ضد المقولة دي؟
وافتكر تعمل Follow للبودكاست عشان توصلك كل الحلقات الجديدة أول بأول 🎧
هل تفتكر أول يوم ليك في المدرسة أو الجامعة؟
في الحلقة دي، بنغوص في الذكريات… خوف، ضحك، مواقف مربكة، وبدايات شكلت اللي إحنا عليه النهاردة.
قصص من الناس… ومن مشاهير زي محمد صلاح عن بدايتهم !
اسمع الحلقة وافتكر… وشاركنا أول يومك أنت كمان.
في لحظات بتفضل محفورة جوانا، بنفتكرها كل ما نغمض عينينا ونقول: "ياريتني ما عملتش كده..."
في الحلقة دي من بودكاست "سؤال عالهوا"، بنفتح قلبنا ونسأل السؤال اللي بيطاردنا كلنا:
"إيه الغلطة اللي لو رجع بيك الزمن، تحب تصلحها؟"
هنسمع قصص حقيقية من الناس حوالينا، ونسأل نفسنا:
هل الندم ليه فايدة؟
وإمتى بنقدر نغفر لنفسنا؟
وهل فعلاً لو الزمن رجع، كنا هنختار غير كده؟
🎧 اسمع الحلقة كاملة، وشاركنا بإجابتك على سؤال الحلقة.
تابعونا على سبوتيفاي علشان توصلك الحلقات الجديدة أول بأول ❤️
في الحلقة دي من "سؤال عالهوا"، بنسأل السؤال اللي ناس كتير بتخاف حتى تفكر فيه:
ليه بنكمّل في علاقات مؤذية وسامة، ومش بنقدر نخرج منها؟
هل ده حب؟ ضعف؟ تعلق مرضي؟ ولا خوف من الوحدة؟
هنتكلم عن أنواع العلاقات السامة — مش بس بين الأزواج، لكن كمان بين الأهل، الأصدقاء، والزملاء.
هتسمع قصص حقيقية، تحليل نفسي مبسط، وإجابات من الناس اللي عاشوا ده فعلًا.
وفي الآخر، هنقدملك خطوات عملية للخروج من الحلقة دي… سواء كانت في البودكاست أو في حياتك.
📍 استمع وشاركنا رأيك. يمكن تكون بتسمع علشان تساعد نفسك… أو حد قريب منك.
في الحلقة دي من بودكاست سؤال عالهوا، بنفتح نقاش عميق عن "المبدأ اللي ماشي بيه كل واحد فينا دلوقتي".
هنسمع آراء صريحة من ناس قالوا: "بطلت أجادل"، "الأولوية لولادي"، "عايش دماغي حرة"، وغيرهم.
هنقارن المبادئ دي مع أقوال مأثورة لعظماء مشاهير.
وكمان هنلخص أفكار من كتاب فن اللامبالاة اللي بيأكد إن مش كل حاجة في حياتك تستحق القلق.
الحلقة دي مش مجرد كلام، دي رحلة بين التجارب الإنسانية، والتاريخ، والحاضر: و بنناقش أهمية البساطة وإنك تعيش "عادي" من غير ضغط ولا تكلف.
✨ هل لازم دايمًا يكون عندك هدف وتكافح؟ ولا ممكن تلاقي السعادة إنك تبسط حياتك وتقول "خليها على الله"؟
📲 اسمع الحلقة كاملة على:
Spotify | Apple Podcasts | Anghami | YouTube
في حلقة جديدة من بودكاست سؤال عالهوا، بنفتح واحد من أكتر الأسئلة جرأة وحساسية:
💡 هل لو الست بتكسب أكتر من الراجل… ده بيقلب موازين القوى في البيت؟
هنستعرض إجابات الجمهور اللي شاركوا معانا على السوشيال ميديا، وهنشوف إزاي المجتمع بيتعامل مع فكرة إن الست يكون عندها دخل أعلى من الراجل وهنناقش الفرضية المثيرة للجدل:
📊 هل في علاقة بين ارتفاع دخل المرأة وزيادة معدلات الطلاق؟
الحلقة مش بس تعليق على إجابات المتابعين… لكن كمان فيها حكايات، تحليل خفيف الظل، وأسئلة مفتوحة ليكوا.
إيه رأيكوا؟ هل الفلوس فعلاً بتغيّر موازين الحب والاحترام في البيت؟
استمعوا للحلقة كاملة على:
Spotify | Apple Podcasts | Anghami
وتابعونا على السوشيال ميديا عشان تشاركوا إجاباتكم في الحلقات الجاية
بودكاست عربي
سؤال عالهوا
العلاقات الزوجية (Marriage relationships)
المرأة والعمل (Women & Work)
دخل المرأة (Women income)
مصر (Egypt)
الإمارات (UAE)
السعودية (Saudi Arabia)
الزواج والطلاق (Marriage & Divorce)
power balance in relationships
gender roles in Arab society
female boss
في الحلقة دي من بودكاست "سؤال عالهوا"، بنتكلم بصراحة عن القناعات اللي اتكسرت جوه كل واحد فينا، والأفكار اللي كنا شايفينها حقائق مُطلقة، وطلعت مجرد أوهام تربينا عليها. هنفتح كلام عن كل حاجة: من الدين والخوف من ربنا، لـ العلاقات اللي بتوجع، لـ التاريخ اللي اتضحك علينا فيه.
ليه بقينا نصدق إن حب ربنا أقوى من الخوف منه؟
هل فعلاً مصر هزمت المغول لوحدها؟
إيه اللي حصل بعد ما اكتشفنا إن الثقة العمياء في الناس بتكسرنا؟
وإزاي فكرة إن الستات مينفعش نسمع رأيهم، اتضح إنها مجرد وهم اجتماعي؟
الأسئلة كتير.. والإجابات فيها تحدي للثوابت، مواجهة مع الذات، وإعادة تعريف للصح والغلط.
لو بتدور على حلقة تلمسك في العمق وتفتح لك عيونك، لازم تسمع دي.
🎧 اسمع الحلقة كاملة على Spotify، Apple Podcasts، وYouTube.
تابعونا على تيك توك وإنستجرام عشان تشوفوا مقتطفات جريئة من الحلقات.
ماتنساش تعمل لايك، شير، وسبسكرايب ❤️
قناعات اتغيرت، حب الله مش خوفه، التاريخ المزيف، الثقة في الناس، العلاقات بين الرجل والمرأة، أفكار جريئة، بودكاست مصري، سؤال عالهوا، الوعي، الدين والتغيير، المجتمع العربي، نقد اجتماعي، حرية التفكير، الهزيمة الفكرية، إعادة بناء النفس.
في حلقة جديدة من #سوال_على_الهوا، هنسأل سؤال محير: ليه المصريين (والعرب) دايماً بيضيعوا الإجازة في توتر وكسل؟
✅ إزاي تخلي الإستراحة 'مشروع ناجح' بدل ما تكون أيام ضائعة؟
✅ الغلطة اللي ٩٠٪ من الناس بيعملوها في الطريق للإجازة (وبتخليهم يندموا)!
✅ حيل غريبة من ناس 'مشغولة' بس عندها وقت للعيلة، السفر، وحتى الفاضي!
هل يحق للبنت أن تعيش وحدها؟
في هذه الحلقة الجريئة من سؤال عالهوا، نفتح ملفًا حساسًا يشغل بال كثيرين: استقلال البنت بالسكن والدراسة والحياة عمومًا.
🔹 نستعرض آراء الناس وتباين المواقف بين من يرفض الفكرة بدافع ديني أو بدعوى حماية شرف العائلة،
🔹 وبين من يرى أن للبنت الحق في تقرير مصيرها، حتى وإن اصطدم ذلك بتقاليد المجتمع.
🔹 نناقش كذلك مشاعر الأهل الذين يريدون بقاء البنت لرعايتهم عند الكِبر، والخوف من الوقوع في الإثم أو اللوم المجتمعي.
حلقة مليئة بالأصوات، وجهات النظر، والتساؤلات التي تستحق أن تُطرح بصوت عالٍ.
🟢 استمع الآن وشاركنا رأيك بصراحة!
اضغط "Follow" علشان توصلك الحلقات الجاية، ولا تنسى تقيم الحلقة لو عجبتك.
#سؤال_عالهوا | #استقلال_البنت | #حياة_الفتاة | #قيم_مجتمعية | #بودكاست_عربي | #Spotify
الجيل ده ليه دايمًا قلقان؟
ليه شباب النهارده حاسين دايمًا إنهم تحت ضغط، ومتوترين أكتر مننا زمان؟
في الحلقة دي من بودكاست سؤال عالهوا، بنفكّك الموضوع من أوله:
من تأثير الموبايل والسوشيال ميديا، لحد العزلة، والتربية الزايدة، وكمان ضغط المجتمع والمقارنة.
هنتكلم عن:
إزاي وقت الشاشة الكتير بيسرق الطفولة؟
إزاي الخوف من المقارنة بيولد القلق؟
وليه قلة اللعب والتجارب الحقيقية مأثرة على مناعة أولادنا النفسية؟
وهنختم بـ ٤ حلول عملية تحمي أولادنا وتقلل القلق جواهم.
✅ هنرجع كمان نربط الكلام بوصايا النبي ﷺ، وبحِكم من تراثنا العربي، ونشوف إزاي زمان كانوا بيربوا الطفل قوي من جوّه، مش بس مرتاح من برّه.
🎙️ اسمع الحلقة دلوقتي، وشاركنا في الكومنت:
لو عندك ولاد أو أخوات صغار، إيه أكتر حاجة بتحس إنها بتوتّرهم؟ وإزاي بتساعدهم؟
جيل القلق، تربية الأولاد، القلق عند الشباب، تأثير السوشيال ميديا، بودكاست مصري، صحة نفسية، وقت الشاشة، مشاكل المراهقين، التربية الزايدة، الضغط النفسي، أطفال الإنترنت، كيف نتعامل مع القلق، نصائح نفسية، بودكاست عربي
في الحلقة دي من بودكاست سؤال عالهوا، بنفتح موضوع حساس وبيمس كل واحد فينا:
"إيه الحاجة اللي مش بتقدر تسامح فيها؟"
كلنا بنتعرض لمواقف صعبة، بس في لحظات معينة بنحس إن الغلط كبير قوي ومش قادرين نعديه.
في الحلقة دي، بنتكلم عن:
الفرق بين الغدر والخيانة.
أمثلة من التاريخ عن الخيانة والعفو.
ليه في حاجات معينة بنعتبرها خطوط حمراء؟
هنناقش كمان الجانب النفسي للغفران، وإزاي بنقدر أو مش بنقدر نسامح حسب الموقف والشخص
💬 شاركنا رأيك:
إيه الموقف اللي حسيت فيه إنك مش قادر تسامح؟
اكتب لنا في التعليقات، وخلينا نعرف وجهة نظرك.
#بودكاست_عربي #سؤال_عالهوا #التسامح #الغفران #العلاقات #الخيانة #الغدر #الكرامة #العفو #الخطوط_الحمراء #تجارب_شخصية #قصص_من_القلب
📅 موعدنا:
تابعونا كل يوم ثلاثاء لحلقة جديدة من سؤال عالهوا.
في الحلقة دي من "سؤال عالهوا"، بنفتح واحد من أكتر الأسئلة اللي بتدور في دماغنا كل يوم:
"هو بيحبني بجد؟ ولا بيعمل نفسه؟"
هنبدأ بقراءة وتعليق على أجمل وأصدق ردود الجمهور اللي شاركوا بتجاربهم وتعريفهم للحب الحقيقي، واللي هتخلي قلبك يبتسم قبل شفايفك.
بعدها بناخدك في جولة لطيفة وعميقة داخل لغات الحب الخمسة، .
وما توقفناش عند المشاعر بس، لأ، دخلنا كمان على علم لغة الجسد، وشرحنا إزاي تقدر تفرق بين شخص فعلاً بيحبك من اللي "عامل نفسه"، باستخدام إشارات علمية بسيطة