Бул эпизоддо биз сексуалдык иденттүүлүктү кантип тааныйбыз, эмне үчүн бул тандоо эмес экенин жана коомдук стереотиптер бул процесске кандай таасир этерин талкуулайбыз. Жеке окуялар, балалык жана өспүрүм курактагы сезимдер, өзүн кабыл алуу жана коомдун реакциясы – баарын чогуу изилдейбиз. Ошондой эле конокторубуз өздөрүнүн иденттүүлүгүн кантип түшүнүшкөнү жөнүндө айтып беришет.
Биз үчүн сиздин ой-пикириңиз маанилүү! Сунуштарыңызды жана окуяларыңызды suiuupalitrasy@gmail.com дарегине жиберсеңиз болот.
🎧 Эскертүү: Бул подкаст 18+ курактагы угармандар үчүн сунушталат.
Салам! Бул — "Сүйүү палитрасы" подкасты!
Бул жерде биз сүйүүнүн ар түрдүүлүгүн чагылдырып, ачык сүйлөшөбүз. Жеке тажрыйбалар аркылуу сексуалдык жана гендердик иденттүүлүк, репрезентациянын маанилүүлүгү, ден соолукка кам коруу жана башка маанилүү темаларды талкуулайбыз.
Эгер сиз өзүңүздү таанып-билүү жолунда жүрсөңүз же бул темалар боюнча көбүрөөк маалымат алгыңыз келсе, биз менен калыңыз.
Сүйүү — бир өңчөй эмес, ал түркүн түстүү, кооз жана баарыбыз үчүн.