Бүгінгі шығарылымда нутрициолог, диетолог Жанна Нұрбергенқызымен сұқбат құрдық. Сарапшы энергетик сусындардың адам ағзасына, әсіресе жасөспірімдер мен ер адамдардың репродуктивті денсаулығына тигізетін зиянын ашық айтты.

Маманның дерегінше, 2022 жылғы статистика бойынша жасөспірімдердің 43 пайызы энергетик сусындарды күн сайын тұтынады. Бұл сусындар ұрықтың дамуына генетикалық тұрғыдан көп зиян келтіреді екен. Соңғы жылдары ер адамдар арасындағы бедеулік жиілеген. Ал 0,5 литрлік бір құтыдағы энергетик сусын құрамында шамамен бір кесе шығатын (120 грамм) қант болады.

Ал энергетик сусынды екі апта бойы үзбей ішіп, ауруханаға түскен адамдар да кездеседі. Жанна Нұрбергенқызы энергетик сусындарға тәуелді болудың бірнеше себебін айтты. Ал, ересек адамдардың бұл сусын түрлерін ашық тұтынуы балаларға кері «үлгі» болып отыр. Маманның айтуынша, энергетик сусынды 3–4 айда бір реттен жиі ішуге болмайды.