Бұл шығарылымда заңгер Орынбасар Тілепберген қоғамда жиі талқыланатын, қалыңдықты алып қашу және есірткімен күрес мәселелерін көтерді. Кейде дәстүр мен заңның ара-жігі шатасып жатады. Біреулер алып қашуды салт десе, заң ол әрекетті қылмыс деп таниды. Есірткіге келсек, оның салдары жеке адамның ғана емес, бүкіл қоғамның қасіретіне айналып отыр. Бағдарламада заңгер осы тақырыптарға байланысты нақты оқиғаларды мысалға алып, заң бойынша қандай баптар қолданылатынын, кінәлі мен жәбірленушінің құқығын түсіндірді. Қоғам қандай сабақ алуы керек? Құқықтық тұрғыда өзін және жақынын қалай қорғауға болады? Осы және өзгеде сұрақтарға мамандар жауап берді. Мақсатымыз: көрерменге заң қалай жұмыс істейтінін көрсету, әр адамның өз құқығын білуіне және қорғауына жол ашу.

Мәжіліс депутаты Қарақат Әбден El-Women жобасына берген сұхбатында депутаттық миссиясын қалай атқарып жүргенін айтып, жауапкершілікті ұмытатын халық қалаулылары туралы ашық пікір білдірді. Сондай-ақ отбасы құндылықтары мен асырап алған үш баласына қатысты жеке тәжірибесімен бөлісті.

Депутат биліктегі әйелдердің үлесін арттыру, жұмыс уақытын қысқарту, ауыл әйелдерін 58 жаста зейнетке шығару секілді бастамаларын түсіндіріп, қазақстандық қыздардың шетелдіктерге тұрмысқа шығуы жөнінде өз көзқарасын түсіндірді.

Қазақстанның мемлекет және қоғам қайраткері, еліміздің 12-ші Білім және ғылым министрі, «Назарбаев Зияткерлік мектептері» ДББҰ Басқарма төрайымы болған Күләш Шәмшидинова El-Women жобасына сұхбат берді.
Сұхбат барысында Күләш Ноғатайқызы білім сапасын арттыру жолдарын, мектепті дұрыс таңдаудың маңызын және «үздік баланы тәрбиелеу» ұғымының шынайы мәнін терең талдады. Оның айтуынша, қазіргі таңда білім беру жүйесі түбегейлі өзгеріс кезеңіне аяқ басты.

Бұл жобада елімізге белгілі заңгер Орынбасар Тілепберген қоғамда жиі талқыланатын қылмыстар мен даулы істерге кәсіби тұрғыдан баға береді. Біз нақты оқиғаларды талдап, оның заң алдындағы жағын қарастырамыз:  қандай бап қолданылады, және бұл жағдайдан қоғам қандай сабақ алуы керек? Әр шығарылым – тек талдау емес, сонымен бірге құқықтық сауаттылықты арттыруға бағытталған әңгіме.
Мақсатымыз – көрерменге заңның қалай жұмыс істейтінін түсіндіру, өз құқығын білуге және қорғауға ынталандыру. Күні кеше жаңалықтарда талқыланған резонансты істер, сот шешімдері мен қоғамның пікірі – барлығы осы жобада.
Әр тақырыпта заңгер өз пікірін, дәлелдерін және кәсіби көзқарасын ортаға салады. Түсінікті тілде, нақты мысалдармен, артық эмоциясыз – қылмысты заңгер көзімен талдаймыз.