«Ich bi die berüemt-berüchtig mid de Hochziitsliste» – so hed sich üse eint Gast i dere Folg vorgstellt. Regelmässigi Podcast-Hörerinne und Hörer wüssed ez wer debii isch... Das cha ja nur guet cho!
Zuesätzlich hed die berüemt-berüchtigt no en wiitere spannende Gast mitgno. D Weiche fürne wiiteri erfolgriichi Freund & Helfer-Folg sind drumm scho vor de Uufnahm gstellt gsi.
D Themene i dere Folg: Ibach kritisiert Schwyz, de Benj und de Yanik wärded für ihres Wüsse über Jungwacht und Blauring Schwyz kritisiert, KI hed kei Persönlichkeit und Spotify Wrapped – Vill Spass!
Liebi Grüess vo Freund, Freundin, Helfers und Helferin
Salü Midänand! 🤠
So schnell simmer aso no nie gsi! Die Folg isch am gliichä Tag ufgno wordä, we sie ufeglade wordä isch… De Stoff isch also no brandaktuell 🔥🧯.
I derä Folg sind dä Yanik und dä Benj wiedermal z zweitä. Ändlich chönd mier üs drumm wiedermal so richtig uustobä 😍🙌🏻… unteranderem hemmer hüt wiedermal uf paar Reaktione vo Zuehörer döffe iiga und mier kläred, öb Guggenä äxtra schlächt spieled. Wasmer letzt Wuchä so gmacht hend erfahreder natürli auno.
Liebi Grüess uf Bankok zu de nüüste Podcast-Hosts im Bunde 📩🤝🏻!
Eure Freund & Helfers 🙋🏻♂️🙋🏼♂️
Natürlich verabschiedid mier üs aber ned vo demm Podcast, sondern vonere gschätzte Zuehörerin!
D Vivi gaad go Reise i färni Oste🇹🇭! Vor demm Abendtüür hemmer sie nomal chönne träffe und zum die Abweseheit chli besser chönne verchrafte hemmer gad no es Podcastfolg gmacht :). Was sie in Thailand, Vietnam und Co. denn so macht erfahrsch i dere Folg!
Vill Spass bim lose und gueti Reis Vivi!
Liebi Grüess uf die ganz Wält, Freund & Helfer 👯♂️🛫
Ja hoi zäme🤝🏻! Was isch eigentlich s närvigste a üsne Diheis?
Die und no wiiteri Frage dümmer i de traditionelle Fragefolg beantworte!
Los üs zue zum das usegfinde!
Liebi Grüess und gueti Wuche, Fründ & Helfers 🤠
I dere Folg vo Freund & Helfer hemmer zwei ganz bsunderi Gäst. Sie sind de Grund, dass de Podcast überhaupt existiert! 🌱
Mä chönnt scho fast vo üsne Schöpfer redä….👼🏼
Liebi Grüess, Freund & Helfer mit gosSIP 🍸
D Ufnahm vo letztmal wär ja chl lang gsi drumm chund ez no de Rest vo de 5 Fraage. Obwohlmer wäg üsne Abschweifer chli lang gha hend zum die beantworte isch d Folg alles anderi als langwiilig🥁🥁!
Usserdem: Mier stecked mittlerwiile voll ide Vorbereitige fürne ersti T-Shirt Kollektion😍👚. Meh dezue inere nächste Folg🤫…
Hebed no ä schöni Wuche! Liebi Grüess vus Freund & Helfers 🐱🐭
Scho wieder hemmer ä Gast, dasmal sogar zwei😮! D Reka und d Selina hälfed üs, die nüüste Trends iizordne.
Will d Folg chli lang worde wär hemmer ez zwei druus gmacht. Ide Nächste Folg dümmer de no die wiitere „schnelle“ Frage beantworte.
Liebe Grüsse Freunde & Helferinnen 👯♂️
Um wases i dere Folg gange isch weisi leider au nümm😩! Aber die Folg wird sicher super-genial! Ein Ohrenschmaus 😋…
Leider hemmer chli lang gwarted mid ufelade ;/
Ich freu mich, jetzt döffe driizlose, mier hoffed, ier au :) - lömmer üs mal la überrasche ✨.
Lang isches wieder gange, doch ez simmer midemne Special usem Badzimmer zrugg 🛁!
Liebi Grüess vom Fründ & Hälfer mid Ahang 🕴🏻🕴🏻🕴🏻.
Teil 2 vo de Reis vom Yanik, Janis und Tim.
Hie erfahred ihr wos als nächst dure gange sind und weli Schwierigkeite sie gha hend.
Dasmal verzellt sogar au mal de Janis öpis nid wie im Teil 1 📢.
Liebe Grüsse von den reisenden Freunden & Helfer 👬👬
Nachdem ier vom Reisegrüppli rund ume Benj scho hend döffe ä Folg ghöre, mälded sich jetzt au no de Yanik, de Janis und de Tim us Slowenie.
Im demm Teil gads um die erst Wuche vo ihrem Reisli dur de Oste vo Europa. Sie verzelled vo interessantä Begägnige in dä Städt bis hin zu schönä Erläbnis i de Natur.
Liebe Gruess, de Fründ und de Hälfer 👬👮🏻♂️
Mier started midere chliinä, aber fiinä Zahlenschau: Wie lauft’s mit de erste Folge? Spoiler: Besser als erwartet!
Denn nimmt üs de Yannik mit i’s legendärste Jungwachtlager seit de Mensch cha laufe.
De Benj brichtet von siim verspätete Geburtstagsfäst und allem, was die vergangnig Woche susch noch so brunge hed.
E Folge voller Lagerluft und Lebensfreud!
Liebe Gruess, üche Fründ und üche Hälfer 👬
In dere Folg wirds wortwörtlich turbulent!
Ändlich isches gschafft: Nachem Yanik sinere LAP fangt de Summer erst richtig aa! Am Lehrlingsuusflug hed er sich ganz schwerelos döffe fühle und bim Europapark-Usflug isch es Handy spurlos verschwunde…
De Benj verzellt vo sim Churfirste-Projekt und was er bim Blick so erläbt…
Die grossi Frag zum Schluss: Was sind die beste Trage-Gadgets?
Liebe Grüsse, der Freund und der Helfer 👬
De Yanik staad immerno vor sinere LAP und de Benj vorere andere Useforderig. Anstatt im Mitleid z'schwimme, lueged mier aber voller Zueversicht i üsi entzückendi Zuekunft✍🏻🌄!
Usserdem: Ums Schwinge gads plötzlich auno und de Yanik stellt en fabelhafti Frag übernes Ameisi. Sind gspannt!
Liebe Grüsse, der Freund und der Helfer 👬
PS: Sorry dases vorchund als ob mier teilwiis ide Vergangeheit läbed. Liid dra das mier die Folg vor meh as drü Wuche mal ufgno hend. Scho bald wärdemer aber aktuell :)!
De Yanik staad plötzlich churz vor de LAP und gaad totzdem i Usgang, de Benj isch zrugg vom Militär und probiert sich wieder im Läbe z‘integriere.
UND: Basel isch Meister worde! ❤️💙❤️💙
Vill Spass bide erste Folg!