Hver er ég ef ekki starfið mitt?
Sverrir fær til sín Vagn, heimspeking og Bolvíking, til að ræða hliðar gervigreindar sem sjaldnar er talað um: Þá mannlegu, sálfræðilegu og heimspekilegu.
Við ræðum „verufræðilegt áfall“ (e. ontological shock) og hvernig við bregðumst við þegar heimsmyndin okkar brotnar. Hvað stendur eftir þegar gervigreindin leysir verkefnin okkar af hólmi?
Í þættinum er farið yfir:
3 svefnlausar nætur: Ethan Mollick og áfallið sem fylgir því að átta sig raunverulega á stöðunni.
Hver er ég? Mörg okkar skilgreina tilgang sinn út frá vinnu. Hvað gerist þegar því er ógnað?
Kópíum og afneitun: Við ræðum frasann „Gervigreind tekur ekki starfið þitt, manneskja með gervigreind gerir það“ – er þetta bara leið til að halda okkur rólegum?
Góður smekkur vs. „Slop“: Þegar hver sem er getur búið til hvað sem er, verður góður smekkur þá verðmætasta auðlindin?
FOMO og kvíði: Hvernig stanslaus straumur frétta getur skapað óöryggi og hvernig við þurfum að velja og hafna.
Lausnin: Hvað getum við lært af Viktor Frankl og stóuspeki? Hvernig breytum við kvíða í spenning og náum stjórn á viðhorfi okkar?
Að venju gefum við efnið út ókeypis og án auglýsinga. Ef þú ert að fá virði úr þættinum, sendu hann áfram á einhvern sem myndi líka hafa gaman af. Það hjálpar okkur gríðarlega.
Ef þig langar að læra að nota þessi verkfæri og minnka bilið, kíktu þá á námskeiðin okkar: javelin.is/courses
Tæknimaður: Pétur Már Sigurðsson
Klipping og eftirvinnsla: Sindri Þór Grétarsson