षष्ठाध्यायीं ऐसी कथा | बंकटलालें सद्‌गुरुनाथा |

मक्याचीं कणसें खाण्याकरितां | नेलें आपुल्या मळ्यांत ||

गांधीलमाशा उठल्या तेथ | लोक होऊन भयभीत |

पळूं लागले असती सत्य | जीव आपुला घेऊनी ||

बाधा गांधीलमाश्यांची | महाराजा न झाली साची |

घेतली असे शिष्यत्वाची | परीक्षा बंकटलालाची ||

नरसिंगजीस भेटण्याला | स्वामी गेले अकोटाला |

जो नरसिंगजी होता भला | शिष्य कोतशा अल्लीचा ||

कांहीं दिवस राहिले | अकोटामाजीं भले |

नरसिंगजीसी हितगुज केलें | बंधु आपुला म्हणून ||

चंद्रभागेच्या तीरीं | शिवरग्रामाभीतरीं |

कृपा व्रजभूषणावरी | केली असें जाऊन ||

मारुतीच्या मंदिरांत | श्रावणमासाच्या उत्सवांत |

समर्थ आले राहण्याप्रत | येथें षष्ठमाची पूर्तता ||