जय जय सत्चितस्वरूपा स्वामी गणराया ।अवतरलासी भूवर जड़ मूढ ताराया । जयदेव जयदेव ॥धृ॥ निर्गुण ब्रह्म सनातन अव्यय अविनाशी । स्थिरचर व्यापुन उरले जे या जगतासी ।तें तू तत्त्व खरोखर नि:संशय अससी । लीलामात्रे धरिले मानवदेहासी ॥१॥ होऊ न देशी त्याची जाणिव तू कवणा । करूनि ‘गणि गण गणात बोते’ या भजना ।धाता हरिहर गुरूवर तूची सुखसदना । जिकडे पाहावे तिकडे तू दिससी नयना ॥२॥ लीला अनंत केल्या बंकटसदनास । पेटविले त्या अग्नीवाचुनि चिलमेस ।क्षणात आणिले जीवन निर्जल वापीस । केला ब्रह्मगिरीच्या गर्वाचा नाश ॥३॥ व्याधी वारून केले कैकां संपन्न । करविले भक्तालागी विट्ठलदर्शन ।भवसिंधु हा तरण्या नौका तव चरण । स्वामी दासगणूचे मान्य करा कवन ॥४॥

या ग्रंथाची अवतरणिका | देतों आतां ही तुम्ही ऐका |

वेळ उगा दवडूं नका | पूर्ण व्हावें सावधान ||

या ग्रंथाची अवतरणिका | देतों आतां ही तुम्ही ऐका |

वेळ उगा दवडूं नका | पूर्ण व्हावें सावधान ||

विसाव्यामाजीं इतर | श्रींची समाधि झाल्यावर |

जे का घडले चमत्कार | त्यांचें वर्णन केलें असे ||

जे जे भाविक भक्त कोणी | त्यांना त्यांना अजुनी |

दर्शन देती कैवल्यदानी | त्यांच्या इच्छा पुरवून ||

कथा एकोणविसाव्यासी | दिला काशीनाथपंतासी | आशीर्वाद तो अतिहर्षी | तो येता दर्शना || गोपाळ मुकिंद बुटी भला | नागपुरासी घेऊन गेला | श्रीगजाननस्वामीला | आपुल्या गेहाकारणें || त्याच्या मनीं ऐसा हेत | महाराज ठेवावें नागपुरांत | परी हरि पाटलांनीं परत | आणिले समर्थ शेगांवीं || धार-कल्याणचे रंगनाथ | साधु आले भेटण्याप्रत | समर्थासी शेगांवांत | ऐसे आणि कितीतरी || श्रीवासुदेवानंद सरस्वती | जो कर्ममार्गाची प्रत्यक्ष मूर्ति | दृष्टादृष्ट होतां नुसती | आनंद झाला उभयतातें || तेव्हां बाळाभाऊला | जो कां होता संशय आला | तो समर्थांनीं निवटिला | करुनियां उपदेश|| केलें खळ्याचें संरक्षण | गाढवाचे पासून | समर्था मारितां आलें मरण | नारायणासी बाळापुरीं || गजाननाचे कृपें भलें | जाखडयाचें लग्न झालें | कपीलधारेसी दिधलें | दर्शन निमोणकराला || तुकारामें आपुला | पुत्र समर्था वाहिला | नारायण नामें भला | सेवा करावयाकारणें || पंढरीतें जाऊन | विठ्ठलातें विचारुन | महाराज आले परतून | शेगांवाकारणें || पुढें भाद्रपदमासासी | ऋषि-पंचमीच्या पुण्य दिवशीं | आधुनिक कालाचा हा ऋषि | समाधिस्त जहाला ||

कथा बायजा माळणीची | अठराव्यामाजीं साची |

कवर डाँक्‍टरच्या फोडाची | कथा यांत ग्रथित असे ||

महाराज गेले पंढरीला | घेऊन अवघ्यां लोकांला |

तेथें बापुना काळ्याला | दर्शन हरीचें करविलें ||

कवठे बहादुरचा वारकरी | मरीनें झाला आजारी |

त्यास घटकेमाझारीं | समर्थानें बरें केलें ||

एक्या कर्मठ ब्राह्मणाला | श्वान उठून मेलेला |

दाऊन त्याचा गलित केला | कर्माभिमान श्रोते हो ||

सतराव्यांत कथा सुरस | विष्णूसाच्या घरास |

जाया मलकापुरास | समर्थ निघाले गाडींतून ||

नग्न फिरती म्हणूनी | खटला भरला पोलिसांनीं |

केवळ अहंपणानीं | सत्पुरुषासी त्रास द्याया ||

महताबशा सांईला | पाठवून दिलें पंजाबाला |

हिंदुयवनांविषयीं केला | कळकळीचा बोध त्यासी ||

बापुरावाच्या कांतेसी | भानामती न मानी साची |

भेट गंगाभागीरथीसी | झाली अकोटीं विहिरींत ||

कथा ऐशा सोळाव्यासी | पुंडलीक अंजनगांवासी|

जातां निवारिले त्यासी | येऊनिया स्वप्नांत ||

पादुकाचा प्रसाद त्याला | झ्यामसिंगहस्तें पाठविला |

कवराच्या भाजीभाकरीला | ग्रहण केलें आनंदें ||

छरा तुकारामाचा | कानामधून पडला साचा |

ह्या अशा कथांचा | समावेश सोळाव्यांत || 

अध्याय तो पंधरावा | शिवजयंतीचा आहे बरवा |

आले अकोले नामक गांवा | टिळक बाळ गंगाधर ||

भाकरी प्रसाद पाठविला | कोल्हटकराचे हस्तें भला |

मुंबईंत लोकमान्याला | ग्रहण करायाकारणें ||

श्रीधर गोविंद काळ्यास | करिते झाले उपदेश |

नको जाऊं विलायतेस | येथेंच आहे सर्व कांहीं ||

नर्मदेच्या स्नानास | सोमवती अमावास्यास | नौका फुटतां छिद्रास | हात लाविला नर्मदेनीं ||विडा माधवनाथाला | शिष्याहातीं पाठविला | या कथा चवदाव्याला | वर्णिल्या असती साकल्यें ||

कथाभाग तेराव्याचा | महारोग गोसाव्याचा |

हरण गंगाभारतीचा | केला असें गजाननें ||

बंडुतात्यासी भाग्य आलें | भूमींत धन सांपडलें |

कर्जापासून मुक्त केलें | समर्थानें निजकृपें ||

शेठ बच्चूलालाची | कथा द्वादशाध्यायीं साची |

मूर्ति निरिच्छपणाची | प्रत्यक्ष होते महाराज ||

स्वामीचें वस्त्र नेसला | पितांबर शिंपी कोंडोलीला |

स्वइच्छेनें येता झाला | परमभक्त होता जो ||

पितांबरानें कोंडोलीसी | बळिरामाच्या शेतासी |

वठलेलिया आंब्यासी | पानें फळें आणविलीं ||

पितांबर राहिला कोंडोलींत | तेथेंच झाला समाधिस्थ |

नवा मठ झाला स्थापित | शेगांवीं समर्थ इच्छेनें ||

विचार करुनी मानसीं | बसून रेतीच्या गाडीसी |

महाराज नव्या मठासी | आले जुन्या मठांतून ||

झ्यामसिंगानें मुंडगांवाला | नेलें गजाननस्वामीला |

पर्जन्यानें घोटाळा | भंडार्‍याचा केला असे ||

झ्यामसिंगानें आपुली | इस्टेट समर्था अर्पिली |

पुंडलिकाची निमाली | गांठ प्लेगची श्रीकृपें ||

एकादशाध्यायीं कथन | भास्करासी डसला श्वान |

आले त्र्यंबकेश्वरीं जाऊन | गोपाळदासा भेटले ||

झ्यामसिंगाच्या विनंतीसी | देऊन मान अडगांवासी |

येते झाले पुण्यराशी | श्रीगजाननमहाराज ||

निजधामा भास्कर गेला | त्याचा देह ठेविला |

द्वारकेश्वरासन्निध भला | सतीबाईचे शेजारीं ||

आज्ञा केली कावळ्यांला | तुम्ही न यावें या स्थला |

वांचविले गणु जवर्‍याला | सुरुंग उडतां विहिरींत ||

दशमाध्यायीं सुरेख | उमरावतीचें कथानक |

उपरति झाली पुरी देख | तेथें बाळाभाऊला ||

गणेश आप्पा चंद्राबाई | यांनीं अर्पिला संसार पाईं |

भावभक्तीनें लवलाही | गजाननस्वामीच्या ||

गणेश दादा खापडर्याला | शुभ आशीर्वाद दिधला |

छत्रीनें मारुन बाळाला | परीक्षा त्याची घेतली ||

द्वाड गाय सुकलालाची | अति गरीब केली साची |

दांभिक भक्ति घुडयाची | कशी ती कथन केली ||

कथा नवमाध्यायाला| द्वाड घोडा शांत केला |

खूण नवस करणाराला | दिली असे गांजाची ||

दासनवमीचे उत्सवासी | समर्थ बाळापुरासी |

घेऊन आपल्या शिष्यांसी | बाळकृष्णाच्या घरां गेले ||

बाळकृष्णालागून | करविलें समर्थाचें दर्शन |

संशयरहित केलें मन | तया रामदास्याचें ||

दशमाध्यायीं सुरेख | उमरावतीचें कथानक |

उपरति झाली पुरी देख | तेथें बाळाभाऊला ||

गणेश आप्पा चंद्राबाई | यांनीं अर्पिला संसार पाईं |

भावभक्तीनें लवलाही |  जाननस्वामीच्या ||

गणेश दादा खापडर्याला | शुभ आशीर्वाद दिधला |

छत्रीनें मारुन बाळाला | परीक्षा त्याची घेतली ||

द्वाड गाय सुकलालाची | अति गरीब केली साची |

दांभिक भक्ति घुडयाची | कशी ती कथन केली ||

कथा आहे अष्टमांत | दुफळी पाटील देशमुखांत |

अर्ज दिधला सरकारांत | महारांनीं विरुद्ध पाटलाच्या ||

खंडूवरी बालंट आलें | तें समर्थांनीं नासिलें |

निर्दोष सुटते झाले | खंडू पाटील खटल्यांतून ||

तेलंगी ब्राह्मणाला | वेद म्हणून दाखविला |

आपण कोण हा कळविला | सहज लीलेनें समाचार ||

कृष्णाजीच्या मळ्याशीं | महाराज राहिले छपरासी |

मंदिराच्या सान्निध्यासी | चंद्रमौळी हराच्या ||

ब्रह्मगिरी गोसाव्याला | अभिमानविरहित केला |

"नैनं छिन्दन्ति" श्र्लोकाला | रहस्यासह सांगून ||

जळत्या पलंगाच्यावर | महाराज बसते झाले स्थिर |

न जाळे वैश्वानर | केव्हांही खर्‍या संताला ||

गांवींची पाटीलमंडळी | अवघी आडदांड होती भली |

हमेशा होई बोलाचाली | त्यांची समर्थाबरोबर ||

हरि पाटलासवें भले | महाराज कुस्ती खेळले |

मल्लविद्येचें दाविलें | प्रत्यंतर बहुताला ||

उंसाचा चमत्कार | दाऊनियां साचार |

अभिमानाचा परिहार | केला पाटील मंडळींच्या ||

भिक्यानामें दिला सुत | खंडू कडताजी पाटलाप्रत |

आम्रभोजनाचें व्रत | चालविण्यास कथिलें पाटलाला ||

ऐशा कथा सप्तमाध्यायीं | कथन केल्या आहेत पाही |

निष्ठा समर्थांच्या ठायीं | जडली पाटीलमंडळींची ||

षष्ठाध्यायीं ऐसी कथा | बंकटलालें सद्‌गुरुनाथा |

मक्याचीं कणसें खाण्याकरितां | नेलें आपुल्या मळ्यांत ||

गांधीलमाशा उठल्या तेथ | लोक होऊन भयभीत |

पळूं लागले असती सत्य | जीव आपुला घेऊनी ||

बाधा गांधीलमाश्यांची | महाराजा न झाली साची |

घेतली असे शिष्यत्वाची | परीक्षा बंकटलालाची ||

नरसिंगजीस भेटण्याला | स्वामी गेले अकोटाला |

जो नरसिंगजी होता भला | शिष्य कोतशा अल्लीचा ||

कांहीं दिवस राहिले | अकोटामाजीं भले |

नरसिंगजीसी हितगुज केलें | बंधु आपुला म्हणून ||

चंद्रभागेच्या तीरीं | शिवरग्रामाभीतरीं |

कृपा व्रजभूषणावरी | केली असें जाऊन ||

मारुतीच्या मंदिरांत | श्रावणमासाच्या उत्सवांत |

समर्थ आले राहण्याप्रत | येथें षष्ठमाची पूर्तता ||

कथा पंचमाध्यायांत | महाराज पिंपळगांवांत |

बसले शंकराच्या मंदिरांत | पद्मासन घालोनियां ||

गुराख्यांनीं पूजा केली | गांवची मंडळी तेथें आली |

महाराजांसी घेऊन गेली | पिंपळगांवाकारणें ||

हें कळलें बंकटलाला | तो पिंपळगांवास गेला |

महाराजासी आणण्याला | परत शेगांवाकारणें ||

समर्थासी आणले परत | कांहीं दिवस राहून तेथ |

पुन्हां गेले अकोलींत | भास्करासी तारावया ||

कोरडया ठणठणीत विहिरीला | जिवंत झरा फोडीला |

एका क्षणांत आणिलें जला | त्या कोरडया विहिरी ठायीं ||

भास्कराची उडवलि भ्रांती | घेऊन आले तयाप्रती |

शेगांवास गुरुमूर्ति | ही कथा पंचमांत ||

कथा चतुर्थाध्यायाठायीं | येणें रीतीं असे पाही |

जानकीरामें दिला नाहीं | विस्तव चिलमीकारणें ||

किडे पडले चिंचवण्यांत | अन्न गेलें वायां सत्य |

सोनारानें जोडून हात | केली विनंती समर्थांला ||

त्याचा अपराध क्षमा केला | पूर्ववत्‌ केले चिंचवण्याला |

जानकीराम भक्त झाला | ते दिवसापासून ||

होते दोन कान्होले | उतरंडीसी ठेविलेले |

तेच समर्थें मागितले | खाया चंदू मुकिंदासी ||

चिंचोलीच्या माधवाला | यमलोक दावून मुक्त केला |

शिष्याहातें करविला | थाट वसंतपूजेचा ||

कथा तृतीयाध्यायाला | गोसाव्यानें नवस केला |

गांजाचा श्रीसमर्थाला | पाजण्याचा विबुध हो ||

त्याची इच्छा पुरविली | प्रथा गांजाची पडली |

तेथपासोनी भली | शेगांवचे मठांत ||

जानराव देशमुखाचें | गंडांतर टाळिलें साचें |

देऊन तीर्थ पायांचें | आपुलें तें स्वामींनीं ||

मृत्यूचे ते प्रकार | तेथें कथिले सविस्तर |

तुकारामासी दिला मार | ढोंग करितो म्हणोनी ||