Kabilang ang CrossFit athlete na si Lara Liwanag sa mga buong tapang na lumaban para sa Team Philippines sa Netflix reality competition na Physical: Asia. Dahil sa ipinamalas niyang lakas at diskarte, binansagan siya ng mga netizen bilang “Clutch Queen.”
Paano nga ba nila napatumba ang bodybuilders at kapwa CrossFit athlete? At ano-ano nga ba ang nagbago sa buhay ni Lara pagkatapos mapabilang sa competition na ito?
Pakinggan ‘yan sa ‘i-Listen with Kara David.’
Dala ang naipon na pera, diploma at resume, lumuwas mula Eastern Samar si George Busa para maghanap ng trabaho sa Maynila. Nang mabigo na makahanap ng mapapasukan, dito siya nagsimulang matulog sa lansangan.
Nagsilbing tahanan ni George ang kalye at kusina ang iba't ibang feeding program.
Ano nga ba ang naging diskarte niya sa lansangan? At paano niya nahanap ang inaasam na trabaho?
Pakinggan 'yan sa 'i-Listen with Kara David.'
Alam n’yo bang 18 taon nang sumasali si Miss Universe 2025 3rd Runner-up Ahtisa Manalo sa beauty pageants? At sa edad na 10, nakamit na si Ahtisa ang una niyang korona sa isang school beauty competition!
Ang kanyang pinaghugutan ng lakas at pinagdaanang hirap, matapang niyang ibabahagi kay Kara David.
Wala raw naramdamang lukso ng dugo si Wilma Doesnt sa kanyang tunay na magulang nang makilala niya ang mga ito. Pagbabahagi niya kay Kara David, hindi niya naramdaman na hindi siya tunay na anak ng kanyang foster parents.
Pakinggan ‘yan sa ‘i-Listen with Kara David.’
Ipinanganak si Carla Dela Cruz na may 'spina bifida occulta,' isang kondisyon kung saan underdeveloped ang kanyang spine. Dahil dito, kinakailangang gumapang ni Carla para makapasok noon sa kanyang mga klase.
Ang pagpupursigi at determinasyon niya... nagbunga at siya'y isa nang SPED teacher ngayon!
Saan nga ba siya humugot ng lakas para matupad ang mga pangarap niya? Pakinggan 'yan sa 'i-Listen with Kara David.'
Kaya ba 'to ng lola ninyo? Sa edad na 78, si Lola Rosalinda Ogsimer, nakasali na sa iba't ibang fun run — mula sa 5K, 10K hanggang sa 21K half-marathons at ultra-distance race na aabot hanggang 65 kilometro! Paano nga ba nahilig si Lola Rosalinda sa pagtakbo?
Pakinggan ‘yan sa ‘i-Listen with Kara David.’
Trigger warning: Mentions of depression
Ang boses ni Inka Magnaye na nagpapakalma sa milyon-milyong netizen, may itinatago ring takot at pagdurusa. Taong 2021 nang ma-diagnose siya ng bipolar disorder at kamakailan ay napag-alaman ding may Attention deficit hyperactivity disorder o ADHD. Paano nga ba niya ito nilabanan?
Pakinggan ang matapang na pagbabahagi ni Inka sa ‘i-Listen with Kara David.’
Bago maging isang aktres at host si Herlene Budol, iba’t ibang trabaho ang kanyang pinasok para kumita ng pera. Pinasok niya ang pagiging umbrella girl, waitress at labandera! Pero ni minsan ba ay nakatanggap siya ng indecent proposal?
Pakinggan ‘yan sa ‘i-Listen with Kara David.’
Ang beshie beshie natin si Hana Beshie, minsan nang itinago ang pagiging drag queen sa kanyang mga magulang! Lumaki kasi siya sa kampo dahil sa pagiging sundalo ng kanyang ama.
Paano nga ba siya umamin sa kanyang magulang? At paano tinanggap ng kanyang pamilya ang pagsali niya sa drag race competition?
Pakinggan ‘yan sa ‘i-Listen with Kara David.
May true love sa online dating app — ‘yan ang pinatunayan ni Mav Gonzales nang mahanap na niya ang kanyang ‘The One’ sa pag-swipe right niya! Ano-ano nga ba ang hinahanap ni Mav sa isang lalaki? At paano niya nalaman na nahanap na niya ang 'The One’?
Ang simpleng inuman kasama ang kanyang mga kaibigan, nauwi sa isang mapait na karanasan para sa noo’y 18-anyos na si Phoebe Fructuoso. Tatlo sa mga taong pinagkatiwalaan niya at itinuring na mga kaibigan ang pinagsamantalahan siya nang malasing ito.
Paano nga ba nahanap ni Phoebe ang boses at tapang matapos ang kanyang pinagdaanan?
Pakinggan ‘yan sa ‘i-Listen with Kara David.’
Taong 2024 nang ma-diagnose ang senior high school teacher na si Marivic Villacampa ng Stage 4 Triple Positive Breast Cancer. Ang isa sa mga pinagkuhanan niya ng lakas …. ang mga estudyante at kapwa guro niya.
At sa kabila ng patuloy niyang paglaban sa kanser, patuloy na nagtuturo at nagbibigay inspirasyon si Teacher Marivic sa mga silid-aralan.
Ngayong National Teachers’ Month, samahan si Kara David na isa ring guro, pakinggan ang kuwento ni Teacher Marivic sa i-Listen with Kara David.
Good vibes ang hatid ng content creator na si Arman Salon sa nakakaaliw niyang skits sa TikTok. Pero sa likod ng mga nakatutuwang video niya, isang seryosong Arman ang ating nakilala — isang single parent na minsang nakaranas ng pananakit dahil sa pagiging bakla.
Pakinggan ang buong kuwento ni Mother Arman sa ‘i-Listen with Kara David.’
Sa murang edad ni Nestor Quilat, natuto siyang magnakaw, mandukot at manlilang para mabuhay. Nakulong siya sa unang pagkakataon dahil sa pagnanakaw ng itlog sa mga terminal ng bus. Nagawa niya ito para lang may panlaman tiyan siya.
Maraming beses na nakulong at nakalaya si Nestor hanggang sa isang kaso ng pandurukot ang nagpatagal sa kanya sa kulungan.
Sa loob ng piitan, paano nga ba niya nahanap ang liwanag, pag-asa at pananampalataya?
Pakinggan ‘yan sa i-Listen with Kara David
Sa likod ng malalakas na tawa at mga banat, isang kuwento ng sakripisyo at patuloy na paghilom ang ibabahagi ng Island Ate ng Cebu na si Shuvee Etrata.
Si Shuvee, emosyonal na ibinahagi ang kanyang mga naging sakripisyo para sa kanyang pamilya.
Pakinggan ‘yan sa I-Listen with Kara David.