كل سنة و انتوا طيبين يا جماعة.. في الصالون المرة دي علاء بيستضيف اكتر شخص قريب منه طول عمره.. مامته.. و معاهم هاشم المصري صديقه المقرب و مامته بردو.. في حلقة هنروح فيها للطفولة و الذكريات و ياترى مخبيين ايه عنهم طول الوقت ده؟ نصيحة؟ جيب مامتك و اقعدوا اسمعوا الحلقة سوا.. و انجوي زا رايد.

بنكمل في الجزء التاني من حلقة الخناقات مع الفرق بين الرجالة والبنات في الخناقات وازاي اتطورنا في الخناقات من واحنا صغيرين لحد ما كبرنا وفتحنا عينينا على الدنيا ده الجزء التاني اللي استنيتوه من حلقة الأسبوع اللي فات.

لو راجل خليك واسمع واتفرج لأخر الحلقة، ولو بنت عادي على فكرة خليكي وكملي الحلقة للأخر. جملة مبتخلاش من أي خناقة “لو راجل خليك” ، الخناقات جزء مهم جدًا من حياتنا مينفعش نفوتها، هتكون شخصيتك، هتعمل صحاب عمرك او هتعيشك مشكلة وتجربة عمرك ما هتعيشها غير لو اتخانقت. استنوا الجزء التاني من الحلقة الأسبوع اللي جاي على طول بخناقات أكتر ومواقف حصلتلنا كلنا وكل ما بتحصل بنقول كفاية بقى.

في الحلقة الجوسي.. علاء بيقعد مع اتنين من اكتر الفود بلوجرز اللي بيحبهم.. دكتور هشام طه و دكتور محمد احمد.. هنعرف ما وراء البهاريز في عالم الفود بلوجرز.. و بيدوا علاء كورس سريع عن إزاي تعمل ريفيو للأكل.. و تقول إيه؟ و تدوق الأكل إزاي؟ فسواء إنت أكيل أو لأ فالحلقة دي ليك.. جهز اكلك و يلا انجوي زا رايد.

في حلقة "البودكاستات المجاورة"، علاء بيتكلم عن البودكاستات المجاورة فعلا.. مش المجاورة اوي يعني.. بس البودكاستات اللي اي حد بيجيب مايك و ضيف و يقعدوا يتكلموا.. يتكلموا في اي حاجة بقى.. قصة نجاح.. قصة صعود.. قصة الاي حاجة.. لو انت من متابعين البودكاستات المجاورة فالحلقة دي مش ليك.. عشان غالبا هنتريق عليك.. غير كده؟ انچوي زا رايد. Follow us : فيسبوك - https://www.facebook.com/TPPnetwork.FB إنستاجرام - https://www.instagram.com/tpp.network تيك توك - https://www.tiktok.com/@tpp.network

في الحلقة دي، علاء مستضيف أقرب البودكاستات المجاورة لقلبه شباب اشتري مني في صالون كفاية بقى، قرروا يفتحوا الدفاتر القديمة… دفاتر الطفولة! و المراهقة و أيام الشقاوة اللي بجد حلقة كلها فضايح و كانت هتتمنع من العرض بس ربنا ستر لو فاكر إن طفولتك كانت بريئة، اسمع الحلقة دي… يمكن تفتكر حاجات كنت دفنتها من سنين.

في حلقة خاصة جدًا، علاء بيقرأ وبيعلّق على مواقف حقيقية جت منكم سواء كنتم ضحايا خدمة العملاء… أو أبطالها! من مكالمات عبثية، لطلبات غريبة، وردود أغرب دي حلقة هنفهم فيها إن الشكوى مش بس لربنا… دي كمان لموظف مش طايق يسمعنا. حلقة كلها فضفضة، ضحك، وتقدير حقيقي لكل حد اشتغل في الكول سنتر وطلع منه سليم!

في حلقة مفيهاش أي مجاملة، سيف زهران ضيف على صالون كفاية بقى، وبيكتشف معانا مفهوم "التعر**" الكلمة اللي كلنا بنقولها، بس قليل اللي بيواجه حقيقتها. سيف كالعادة بيشوف الدنيا من زاوية تضحّكك وتعيطك في نفس الوقت من القهر. حلقة كلها سخرية، فضايح مبطّنة، وأسئلة محدش بيحب يجاوب عليها. لو تعبان من كتر التعر** اللي بتشوفه في حياتك يبقى الحلقة دي ليك

في حلقة "خط اللانهاية"، علاء بيتكلم عن الماراثون الطويل بتاع الحياة… كل ما تخلص حاجة، تلاقي اللي بعدها طابور، وكل ما تقول "كده تمام"، يردوا عليك بـ"طب ناقص بس...". من أول الشغل، للدراسة، للجواز، للطلبات اللي بتنزل عليك في آخر لحظة و ملهاش نهاية. لو إنت من الناس اللي بتقول "أنا خلصت خلاص"، اسمع الحلقة دي… يمكن تكتشف إنك لسه في أول السطر.

في حلقة من العيار التقيل، مي سلامة بتحكي لنا عن حفلة العرسان اللي عدّوا عليها… من النصاب اللي فاكر نفسه أذكى واحد في الدنيا، للأمريكاني اللي عايش في مصر ومش فاهم أي حاجة، لللي اول ما هي رفضته قالها ظبطيني مع واحدة تانية ضحك، استغراب، وقصص أغرب من الخيال، بس حقيقية جدًا!

هو الجواز بقى مشروع اقتصادي؟ طب ليه العروسة عايزة شبكة في حجم عربية؟ وليه العريس محتاج معجزة عشان يعرف يتجوز؟ في الحلقة دي، علاء بيتكلم بصوت كل شاب حاسس إن الجواز بقى صفقة خسرانة. كلام جد، بس بطريقته زي ما اتعودنا ساخر، صريح، و حقيقي و يمكن شوية جد المرة دي لو بتفكر تتجوز، اسمع قبل ما تطلع على المأذون.

في حلقة النهاردة، بنتكلم عن المكملات، وبنفك شفرة الـ"لايفستايل" اللي قالب علينا السوشيال ميديا. ضيفنا كريم جبرائيل، الكوتش اللي هيعملك بلان أكل ملوش طعم أوي بس صحي. بنحكي عن أغرب مواقف الچيم، أنواع الناس اللي بتقابلها هناك، وليه دايمًا في واحد بيزعق و هو بيتمرن. لو بتدخل الچيم علشان تتصور، أو بتروح تلحق الفورمة قبل سيزون الساحل !! .. الحلقة دي ليك.

في الحلقة دي، بنحكي عن مغامرات استخراج الڤيزا ، والكوارث اللي بتحصل قبل معاد بوردينج الطيارة، والطاووس إللي بيظهر في أي مكان !!! تابع الحلقة عشان تفهم إيه موضوع الطاووس دة

في حلقة العيد من بودكاست كفاية بقى، حبينا نخليها مختلفة شوية. المرادي استضفنا في الصالون شلة لوران جانج ، الجانج اتكلموا عن صداقتهم اللي بدأت في سيدي بشر… من ناس مش طايقين بعض، لعِشرة عمر ومواقف كتير وبلاوي أكتر 😂 حكوا عن اللي جمعهم، واللي فرقهم، وإزاي مهما تمر السنين… لسه هما هما: شلة لوران جانج #بودكاست_كفاية_بقى #علاء_الشيخ #comedypodcast #thepotcastproductions اشترك فى القناة الرسمية: https://www.youtube.com/@tpp.network?sub_confirmation=1 شاهد المزيد من المقاطع و الحلقات: https://www.youtube.com/playlist?list=PL7TpI0K9I87JKd80KoWFhtVyf9T2jY2vW بودكاست مصري ساخر بينتقد تصرفات وسلوكيات المجتمع، بصراحة وبدون أي تزيين للكلام. هذا البودكاست ١٨+ وليس لأصحاب القلوب الضعيفة. من إنتاج ذا بوتكاست برودكشنز - The Potcast Productions (TPP). تقديم: علاء الشيخ - Alaa El Sheikh تابعونا على: ذا بوتكاست برودكشنز - The Potcast Productions فيسبوك - https://www.facebook.com/thepotcastproductions إنستاجرام - https://instagram.com/thepotcastproductions تيك توك - https://www.tiktok.com/@thepotcastproductions

ولإن اللي بيحصلنا في العيد ميكفيهوش حلقة واحدة.. رجعنا بجزء تاني من "العيد فرحة؟" مكملين عن العادات والتقاليد اللي حافظينها ومزهقانا من أول خناقة "هنتغدى عند عيلتك ولا عيلة خطيبتك؟" لحد جملة طنط " إنت كبرت علي العيدية ياحبيبي فبعد كل ده... لسه حاسين إن العيد فرحة فعلا ولا إيه الكلام ؟😂 استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست. #بودكاست_كفاية_بقى #علاء_الشيخ

كل سنة وإنتوا طيبين، العيد قرب عارفين ده معناه إيه؟ زيارات لا نهائية من ناس أول مرة تشوفهم في حياتك.. بس في الآخر.. هو يا ترى العيد فعلاً فرحة؟؟ في حلقة "كفاية بقى" المرة دي، اتكلمنا عن أجواء أول يوم عيد، وهل هو فعلاً فرحة ولا لأ؟ استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست.

رمضان زي ما كلنا عارفين انه شهر الروحانيات والهدوء، بس رمضان في مصر حاجة تانية 😂 ولأن مصر مشهورة بأجواء رمضان من زينة وفوانيس، فهي كمان مشهورة بالخناقات غير المبررة، من أول “هنفطر فين يا جماعة؟” لحد الخناقات على المسلسلات في حلقة كفاية بقى بالله عليك اتكلمنا عن خناقات رمضان بكل أشكالها، وليه كلنا بنبقى مش طايقين نفسنا استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست. #بودكاست_كفاية_بقى #علاء_الشيخ #comedypodcast #thepotcastproductions

معاناة الشغالات مش بس في المسلسلات، دي موجودة في أرض الواقع بشكل أصعب. قررنا في صالون كفاية بقى المرادي نجيب معاناة حقيقية، مع ضيفتنا حنان البهي اللي هتكلمنا عن رحلتها مع الشغالات بأشكالهم وأنواعهم وإزاي كانت بتعاني معاهم. استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست. #بودكاست_كفاية_بقى #علاء_الشيخ

دليلك الشامل للخروج من فطار الدفعة السنوي بأمان وسلام.. حلقة تكشف كل ألاعيب الدفعة في التجمع السنوي المعروف استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست. #بودكاست _كفاية_بقى #علاء_الشيخ #comedypodcast #thepotcastproductions

بقالنا سنين محتارين في طقوس حياتنا في شهر رمضان.. كفاية بقى الحلقة دي ممكن نخليها مرجع علشان محدش يحتار تاني.