Dental leyɗe adunaaru ONU teddinirii ndee hitaande 2026 hikka, durooɓe, egga-hoɗaaɓe. Ɗum ko ngam hollugol nafoore maɓɓe faade e ngurndam nduu adunaaru wonndude e ɓanngingol caɗeele ɗe ɓe jogi. Ɗeen caɗeele hino ɓeydoo ñannde wo ñannde sabu mbayliigu weeyo. Ɗee caɗeele ko ɓuri lorriiɓe ko egga hoɗaaɓe diiwal Sahel. Hiɓe wuuri yooro, fitinaaji jogiiɓe kaɓirɗe e boneeji goɗɗi.

Donald Trump fooli Nicolas Maduro e nder ndee hare maɓɓe. Caggal konnguɗi muusɗi hakkunde oo hooreejo Etats-Unis e honoroojo mo Venezuela, konu Dawlaaji Ndentuɗi Amérik fawi junngo e hoore Nicolas Maduro. Gila e asewe hino mo e nder kaso New- York. Donald Trump no tuumimo wonugol e hoore ngoomu yeeyoowu doroogu.

Guinee, laamu faddewu nguu hino e laawol timmugol. Général Mamadi Doumbouya suɓaama hooreejo ndii leydi e ɗee woote ɗe lunndiiɓe laamu nguu, anndaaɓe ɓee fow tawaaka. So en tuugike e njaltuɗi ɗin, o heɓii ko fawi e daaɗe 86 e nder teemedere wel. E ɗii duuɓi 4 ɗi o laami Guinee, Général Mamadi Doumbouya holli eɓɓooje heewɗe ngam waylugol ngalu leydi ndin wonndude e alhaali politik mayri. Kono ko ɓuri teeŋtude e ɗii duuɓi 4 kadi ko ŋakkere teddingol hakkeeji neɗɗanke e fitinaaji faade e yimɓi sosiyete siwil e politik. Taw si o waylan no o laamori ndii leydi e ɗii 7 aroji ? Tuugaade e eɓɓoore makko fagguduyankoore Simandou, tawi Général Mamadi Doumbouya waawan waɗude Guinée e laawol ɓamtaare ? Koɗo men hannde ko Lansana Camara, mawɗo jaayndeyanke Guinée. Himo jaaboo lamnde Ibrahima Timbi Bah.

Ko ɓuri ɗannatooɓe 3 000 immorɓe daande maayo Afrik maayi walla majji e nder ndee hitaande hikka. Ko ɗum holli fedde nde wona laamuyankoore wi’eteende Caminando Fronteras. Ko saabi mayde maɓɓe, ko anngal faabotooɓe e ŋakkeere ɗaɓɓitooɓe ɗannotooɓe ɓe laaɗe mun yooli ka nder maayo. Ko ɗum holli ndee fedde.  Nde ɓeydi wonndema, ɓee ɗanniyankooɓe hino ɗaɓɓude laawi kesi woɗɗuɗi ngam yahugol Europe. E ɗiin no tawa laawol immoragol Guinée. Laawol hakkunde Guinée e Europe no abbii e 2 000 km. Hingol ɓuri ɗii laawi heddiiɗi woɗɗude. Ngam taskagol ngol ciimtol caminando fronteras e alhaali ɗalle ɗe rewaani sariya, koɗo men hannde ko Elhadj Mohamed Diallo, hooreejo fedde Guinée haɓoore ɗee ɗalle ɗe rewaani sariya. Himo jaaboo lamnde Ibrahima Timbi Bah.

Senegal, ko famɗi fof rewɓe sappo e njoyo (15) mbaraama e nder dewle maɓɓe e ndee hitaande 2025. Ɗii warngooji keewɗi poti gasde haa laaɓa. Ko ɗum woni wulaango pelle sosiyete siwil keewɗe. E nder winndannde nde pelle keewɗe daraniiɗe hakkeeji rewɓe mbaɗi, ngam ɗii fitinaaji ndartoo, sariyaaji keewɗi ina poti wayleede. Eɓe ñaagii nde ardiiɓe leydi ndii e tugaale renndo ngoo ndaratoo ngam dartinde ɗii musibaaji baɗateeɗi e dow rewɓe. Ngam yeewtude e ndee toɓɓere, koɗo men hannde ko Aminata Diallo, debbo daraniiɗo hakkeeji rewɓe, jeyaaɗo e waɗɓe winndannde ngam dartinde ɗii fitinaaji ɗi rewɓe ɓee nguuri. Omo jaaboo e naamɗe Ibraahiima Timmbi Bah

Algerie ɓami sariya holluɗo kolonaagu ko bonanndaaji dawla. Alger ƴamii Paris ndaamordi e toragol yaafuye sabu boneeji ɗi ɓe waɗi hakkunde hitaande 1930 e 1962 e hoore yimɓe maɓɓe e sahaa Kolonkaaku. Algerie ƴettii ngal pellital e sahaa mo pooɗondiral woodi hakkunde ɗee leyɗe ɗiɗi. Holko saabi hooreeɓe Algerie ɓami oo sariya ? Taw si oo waawan laataade ? Ko holno kolonkaaku fawaangu e Algerie siforinoo ? Taw si leyɗe Afrik heddiiɗe ɗee ɓami sifa oo sariya e ɗii ɗumunnaaji arooji ? Koɗo men hannde ko Alpha Ousmane Diallo, jannginoowo taariika Afrik to Iniwersite Sonfonya Guinée. Himo jaaboo lamnde Ibrahima Timbi Bah

Kawtital renndingal leyɗeele AES fampike suudu marirndu kaalisi wonndude e konu maɓɓe kafaangu e ngoomu meja jooɗiingu e ɗee leyɗe tati kala. Faale maɓɓe ko tippugol e ɗee eɓɓooje ngam simmbingol ndee fedde AES. E biol maɓɓe golle heewɗe waɗaama gila ɓe sinci ndee fedde, kono fanni ndeenaagu tabitaali hay huunde gasata. Taw si nguu konu maɓɓe kafaangu waawan artirde jaam e nder ɗee leyɗe sahel ? Ko holɗum ɗii aalaaji maɓɓe kesi battinta e ngurɗam ɓiɓɓe Mali, Burkina Faso e Niger ? Koɗo men hannde ko Mamadou Oumar Ly hertorɗo leyɗe Sahel. Himo jaaboo lamnde Ibrahima Timbi Bah.

Guinee, ko balɗe tati heddanii ɓee kanndidaaɓe njeenayo (9) e ɗii suɓngooji hooreyaaku saatiiɗi ñannde 28 nduu 12ɓuru, ngam fammingol Ginenaaɓe eɓɓooje maɓɓe. Heewɓe e ɓee kanndidaaɓe hino jokki yiilagol e nder leydi ndin gila ngal orngal fuɗɗi. Kono Général Mamadi Doumbouya, hooreejo laamu faddewu ɗuuɗaaka yi’eede e ngal oorngal, ɗum non hay so tawii ko yimɓe makko e nate makko wona e ɓureede yieede e maggal. Ko holɗum maandete e ngal oorngal ? Holko saabi ngal heewaani yimɓe wano oorɗe woowuɗe ɗee ? Koɗo men hannde ko Mouley Ismaël Diallo, hertorɗo sariya e dawro. Himo jaaboo e laamnde Ibrahima Timbi Bah.

Senegal, oo sosiyete Softcare hino e alhaali sattuɗo hannde. Ɗum ko gila nde suudu Senegaal toppitiindu laaɓal huutorteeɗi, no wi’e "APR" holli wonndema kuusuuji boobooɓe (couche pour bébés) e musuwaarji ɗi sosiyete moƴƴinta hino ŋakki laaɓal. Hayso tawi nduu suudu artii e ngal pellital, wittooɓe mayru kañun holli wonndema ɗii kuusuuji e musuwaarji Softcare haanaka gollireede walla huutoreede, sabu ɗi laaɓaa. Ŋakkeere laaɓal huutorteeɗi walla gollirteeɗi e nder Afrik ko huunde yaajunde. E nder leyɗeele heewɗe e ndee duunde, ñaameteeji e gollirɗi bonɗi hino yi’e e nder loomuuji. Holko saabii ɗum? Holko woni battane mun e cellal yimɓe ɓee? Koɗo men hannde ko Mamadou Lamarana Diallo, jannginoowo wiɗtotooɗo, tawaaɗo e fedde Guinee daraniinde huutortooɓe. Himo jaaboo lamnde Ibrahima Timbi Bah.

Guinée, laawol 2ɓol ñaawoore warngo 28 septembre fuɗɗike e ndee alkamissare faltiinde. E ngol ɗoo ko yimɓe 7 siwil e konunkooɓe nodda yeeso ñaawooɓe ɓen. Ɓee hino tuuma tawegol e saaɓiiɓe fitinaaji to stade 28 sptembre Conakry e hitaande 2009. E oon saaha, lunndiiɓe laamu fawɓe e 156 warano, rewɓe doola, yimɓe cappanɗe gaaña, woɓɓe majjina.Ɗum ko e seppo salorngo tawegol Capitaile Moussa Dadis Camara ardiiɗo laamu faddewu e on saaha, e suɓngooji hooreyaaku. Oo konunkeejo fawanooma kaso sabu war-neɗɗanke e ñaawoore aranere ɗii fitinaaji, hay si tawi ardiiɓe Guinée yaafikemo sabu waasere makko cellal e bi'ol maɓɓe. Holko woni ɓee wonaaɓe e ñaaweede hannde ? Ko holɗum ɓe tuuma ? Holko saabi ko fewndo ɗoo ɓe wona e ñaaweede ? Koɗo men hannde ko Boussouriou Diallo, tawaaɗo e salndu suudu ñaawirdu winndere CPI Guinée. Ndee fedde hino wallitaade lorriiɓe e fitinaaji 28 septembre. Boussouriou Diallo hino jaaboo lamnde Ibrahima Timbi Bah.

E ndee hitaande 2025, ko timmi yimɓe 16 000 dillirii daaɗe maayo Afrik ngam yottagol Erope. No jeyaaɗe  ɓen ɗannotooɓe, rewɓe 12 %,  ko ɗum holli fedde winndereyankoore daraniinde ɗanngal OIM. Ndee walde hollii annde mun ko faati e sincugol laawi kesi yaarirɗi Europe. Ɗiin laawi, ko wano Guinee, Gambie e Guinée Bissau leyɗe woɗɗuɗe sanne Europe. Ko ɗum saabii annde Aïssata Kane ardiiɗo salndu OIM Senegal. Ko kanko woni koɗo men hannde e ndee ñalaande hertanaande ɗannotooɓe. Keɗoɗen

Ko Housseini Amion Guindo, dawroyanke Malinaajo woni koɗo men hannde. Oo jaagorɗo kiɗɗo hino ŋiña laamu faddewu Mali sanne. O nantini wonndema o tawti fedde CFR lunndiinde laamu konunkooɓe Mali. Ndee fedde sosaande e ɗee balɗe feƴƴuɗe ko imam Mahmoud Dicko woni caggal mayre. Faadaande mayre ko renndingol malinaaɓe fow ngam artirgol laamu potal e nder Mali. Housseini Amion Guindo hino jaaboo lamnde Abdoulaye Dicko.

"Samineere laamu njaɓataake kasin e nder leyɗe CEDEAO" ko ɗun holliti alat oo hooreeɓe fedde dental leyɗe Afrik hirnge CEDEAO e batu maɓɓe mo ɓe ngaɗi to Abuja lamorngo Nigeria. Ngal kawrital waɗi saha ndee caɗeele politik e rafi deenagu taska e nder yoga e leyɗe fedde ndee, tennti to Benin e samineere laamu waɗude to Gine Bissau, on alhaali jaati hooreeɓe CEDEAO nantini njaɓaali eɓɓore hooreeɓe lamiu hakkunde Bissau. Ɓe noddi waɗude sarti ɗaaɓo, dentiiɗo banngeeji fuf, so wana ɗun cedeao fawa e ngu konu laamiingu jukkooje. Holko saabi ko hooreeɓe CEDEAO semmbinde dabareeji maɓɓe e haɓude ɗe caamine laamu e Afrik hirnage? yalla ɓe ɓembawi daranaade ɗun no haaniri ? Ngam njaɓaadi ɗii lamndi, koɗo beete hannde ko Dr Abdou BAH, jannginooo uniwersité Cheick Anta Diop moDakar, hertoriiɗo CEDEAO. Omo njaabo lamndi Minati DIALLO, Keɗoɗen ɓe

Mauritanie, fedde Transparence Inclusive haɓoore ngeenaari bonndi weltori naadugol kaso yimɓe 6 tuumaaɓe guyaale ngalu leydi ndin. E ɓen yimɓe nanngaaɓe hino tawa Taleb Ould Sid’Ahmed, laamiiɗo port Nouadhibou wonnude e Halima Ba, ardinooɗo yiilorgal jaagorgal toppitiingal Cellal.

E nder leyɗe ɗe konunkooɓe e kuliyankooɓe laami, hakkeeji neɗɗanke waawaaka teddineede, sabu wona ɗum woni annde maɓɓe. Ko ɗum holli hooreejo fedde Piindi Sahel, daraniinde ko haanani neɗɗanke. E bi’ol Aiché Sy, yaɓɓugol hakkeeji neɗɗanke e nder leyɗe AES, ɗe konunkooɓe ardi hino ɓeydo tun. Kono ngol yaɓɓugol hakkeeji aadee ina teskaa kadi e nder leyɗe ɗe siwileeɓe ngardi hono Mauritanie, tuugnaade e konnguɗi oo daraniiɗo hakkeeji neɗɗanke. Ko kanko Aiché Sy woni koɗo men hannde. Himo jaaboo lamnde Ibraahiima Timbi Bah.

Ndimaaku jaayndeyankooɓe e jaayndeeji no yaarude caggal e nder leyɗe ɗuuɗuɗe e nduu adunaaru. Ko ɗum holli RSF, fedde daraniinde ndiimaaku konngol. Ndee fedde maadinii wonnde fodde jaayndeyankooɓe cappanɗe njeeɗiɗo (67) waraama e adunaaru nduu e ɗii lebbi sappo e ɗiɗi (12) faltiiɗi. Njeeɗiɗo e maɓɓe, ko e nder Afrik pittaali maɓɓe ngitta. Hino woodi kadi jaayndeyankooɓe cappanɗe diftaaɓe e fawaaɓe kaso. Ɗee ɓittanɗe no holla wonnde ardiiɓe Afrik woɓɓe hino jokki torrugol jaayndeyankaagal , e biol Abdoul Malick Diallo, jaayndiyanke kadi hooreejo fedde Presse Solidaire. Ɗii torraaji saabike yo banndiraaɓe amen woɓɓe hulu yantingol kabaaruuji ñiŋooji laamuuji ɗii. Ko ɗum holli Abdoul Malick Diallo. Ko kanko woni koɗo men hannde. Himo jaaboo lamnde Ibraahiima Timmbi Bah.

To Benin, eɓɓoore samminire laamu woopi/woofi. Ɓurɓe ɗuuɗude e konunkooɓe eɓɓunooɓe ngol liɓugol laamu Patrice Talon nanngaama. Ko konunkooɓe leydi Nigeria walliti Benin jaggugol oo bone. Abuja nelduno Cotonou laaɗe weeyo ɗiɗi, faddiiɗe bommbooje e hoore daaka konunkooɓe wonuɓe jaggal ndee eɓɓoore samminere laamu. Fedde Leyɗe hirnaange Afrik CEDEAO nantinii wonndema nde nelday konu Nigeria, Ghana, Cote d’Ivoire e Sierra Leone ngam hiwgol laamu Benin. Hol saabi yo konu Nigeria wallu Benin sakkagol ndee eɓɓoore liɓal laamu ? Holko saabi CEDEAO darike no yaawiri fii hiwgol laamu Patrice Talon ? Koɗo men hannde ko Professeur Bacary Gueye, hertorɗo dawro. Himo jaabo lamnde Ibrahima Timbi Bah.

Hooreeɓe leydi ndi nantini keñen sakkiike samminere, ɗun caggal ndee beete alat oo konunkooɓe yaltii e suudu tele leydi ndii nantinde ɓamti laamu nguu. Ndee eɓɓoore ciwlagol laamu Benin, waɗi e sahaa ndee woteeji hooreeyaku sarti e hitaande warore ndee, woote ɗe fedde mawnde lummndiide laamu ngu " les democrates" tawetaake saabe ɗereeji maɓɓe njaɓaaka. E on saha e bannge rewo Benin caɗeele rafi ndeenaagu ana taska e ɗii lebbi, teeŋti e kippanɗe pelle kuliyankooje.

FIFA, fedde winndereyaŋkoore huufnge fukuba, ƴetti pellital yamirde clubaaji ɗii heddodaade e fettooɓe maɓɓe afriknaaɓe haa ñande 15 lewru ndu gonɗen. Ɗum ko yontere tan hade foolotiro CAN 2025 to Maroc fuɗɗaade. Ngal pellital ina luulndi aadi woppitde feettooɓe ɓee onte ɗiɗi ko adii foolotiro ngoo ina fuɗɗo. Ɗum ina jogori addande diɗɗe ɗee caɗeele. Holno bawɗen faamirde ngal pellital FIFA ? Holko ngal waawi battinde e heblagol kippuuji Afrik ɗii e oo CAN ? Abdullaay Jallo yeewtidii e Haaruuna Dem, jaayndiyaŋke keeroriiɗo coftal-ɓalli.

E nder lewru 9ɓuru, Konu Maaje Faransi fawii junngo e laana ronndinooka toonuuji 6 doroogu " cocaine" e nder maaje Golf de Guinee, ɗum ko e nder saraaji maayo Afrik hirnaage. Fotde tonuuji 10 njitaama e nder laana. Wona ngol woni laawol aranol. E hitaande 2025, nanngugol doroogu yottiima e nokku maantiniiɗo. Ndee haɓande nde bateau PHA "Tonnere" nde helicoptere "Amphibie" waɗi woni jooni lebbi no tawaa e golle maɓɓe "Corymbe". E nder kaa laana fotde 650 marine e konunkooɓe no tawe e nder mambe. Ñannde golle ina mbaɗa e nder ngol yiilaagol. koɗo men hannde ko Arnaud Bollile no arta e gollle baɗaaɗe ngam fawde jungo e oo drogue e nder mayo Golf de Guinée. O yewtidii e Moussa Oumar Barry et Sory Ibrahima immodiiɓe e oo bateau gila Nouakchott faade Praia.