D'Massaker vu Mylai wärend dem Vietnam-Krich. Folter am Prisong vun Abu Ghraib am Irak an nach aner journalistesch Scoopen, déi d'Weltëffentlechkeet beweegt hunn, si mam Numm Seymour Hersh verbonnen. An hirem Documentaire fir Netflix zeechnen d'Laura Poitras an de Marc Obenhaus de Portrait vun der amerikanescher Legend vum Investigativ-Journalismus. De Michel Delage huet de Film gekuckt.

Mëssbrauch am Elterenhaus a Resilienz duerch d'Literatur sinn d'Sujete vum Debutfilm vun der amerikanescher Actrice-Realisatrice Kristen Stewart. De Michel Delage an d'Valerija Berdi hunn dësen Drama am Grousse Kino beschwat.

Vum House DJ zur Lëtzebuerger L-Pop Ikon: de Max Feller huet seng Singelen zu engem Album gebündelt a mat dräi Musekerkolleegen ee Live op d'Bün gestallt. Iwwer déi nei Plack "Midlife Party Vol.1" an ee Concert am Gudde Wëllen de 17. Januar schwätzt hien um Mikro vum Marc Clement.

Eng Fernsee-Serie, an där mir eng Grupp Krimineller begleeden, déi sech awer elo fir déi gutt Saach asetzen.

À Toulouse, rencontre avec David Charrier. David est un hang player de la première heure et un professeur qui gère aussi le site “Master the handpan” recensant pas moins de 160 makers de handpans dans le Monde ... Rencontre également avec Cédric Pla, fondateur de Pan'H Instruments et initiateur de la plus grande convention mondiale de handpans.

Esou, déi éischt Woch am neie Joer ass scho bal gepackt, mee a Gedanke sidd Dir nach bei Iessen a Paus respektiv Party maachen? Da gëtt et Zäit, den Denkapparat nees op Touren ze bréngen. Eventuell mat der Publikatioun “Mémoires futures/ künftige Erinnerungen”. Dëse Sammelband, deen d’Commission luxembourgeoise pour l’UNESCO an Optrag ginn hat, thematiséiert eist Verständnes vun der Mënschheet, vun der kollektiver Memoire, d’Roll vu Kulturierwen an deem Kontext, a wat mir vun eisem Patrimoine zu Lëtzebuerg preservéieren an un déi nächst Generatioune weider gi sollten. De Choix vun den Auteuren an Autorinne fir de Recueil plus déi ganz Koordinatioun huet d’Nora Schleich iwwerholl. D’Kerstin Thalau huet sech virun eiser Sendung mat der Philosophin ënnerhalen.

Net nëmmen ass de Mann selwer eng änlech Stëmmungs-, Danz- a Funk-Kanoun wéi de Pätter vum Soul, dovunner kënnt Dir Iech op YouTube-Videoe selwer iwwerzeegen, mee seng Band ass eng vun deene beschten. Déi 9-käppeg New Soul Generals si mam Jamiroquai opgetrueden, hunn d’Leadsängerin Martha Reeves vu Martha and the Vandellas begleet, an am Orchester vum Mark Ronson an der Amy Winehouse matgemëscht. De Marc Clement war virwëtzeg.

Ënner dem Titel "Storylines" si bis Enn Mee am ëffentlechen Espace zu Klierf eng hallef Dose Fotoexpoen ze gesinn. D'Curatrice Sandra Schwender wollt mat hirem Choix verbildlechen, wéi aktuell Fotoserië vum Liewen, vu Wandel an Emotiounen zielen, datt déi ausgestallte Motiver fir nei Geschichten an eise Käpp suerge kënnen. An der Chrëschtvakanz ware mir mat hir duerch d'Expo gaangen, dee Reportage fannt Dir wéi gewinnt an eiser Mediathéik. D'Sandra Schwender huet zu Wien studéiert, grad esou wéi de Pasha Rafiy, deem seng Aarbecht si zanterhier suivéiert. Den iranesch-lëtzebuergesche Fotokënschtler, Realisateur an ausgebilte Publizist, presentéiert bei de "Storylines" säi Kapitel "Birdwatcher". D'Kerstin Thalau war dovunner begeeschtert an huet de Pasha Rafiy fir e Gespréich an eis 100,7-Kulturen-Emissioun invitéiert.

Den ungaresche Schrëftsteller Laszlo Krasznahorkai ass de Laureat vum Literaturnobelpräis 2025. Mir hate bei engem Expert nogefrot, wat dësen Auteur esou aussergewéinlech mécht. Den Dr. Martin Schauss huet sech fir seng Dokteraarbecht intensiv mam Laszlo Krasznahorkai befaasst an huet eis seng Andréck matgedeelt.

An eiser Mini-Serie iwwer exotesch Instrumenter gi mir op Toulouse bei den David Charrier. Den David Charrier ass en Hangplayer, deen och op senge Site “Master the handpan” ronn 160 Handpansmaker vun der ganzer Welt zesummebréngt. Weider héiere mir de Cédric Pla, de Grënner vu Pan’H Instruments an Initiateur vun der weltwäit gréisster Handpans Convention.

D’Museksindustrie ass en Domän, an deem den Hype zwar net alles ëmmer alles ass, mee esou richteg ronderëm kënnt een dann awer net. Wann dann och nach en neit Joer ugeet, da geet et lass mat de Spekulatiounen an natierlech och mat enger gudder Portioun Virfreed. 5 vun dësen antizipéierte Placken, op déi d’Popmuseksfrënn sech d’nächst Joer freeën dierfen, huet de Marc Clement an de Studio matbruecht.

D’Marianne Villière, Joergang 1989, lieft a schafft als fräischaffend Kënschtlerin a Konschttheoretikerin zu Nanzeg. Hir kënschtleresch Praxis: si hannerfreet de Moment, wou et kippt. Si poolt a Gedanke Muechtverhältnisser ëm, amenagéiert a komponéiert erstaunlech Situatiounen. Fir gewéinlech mat Performancen, Film, Foto a vill Konfetti. Dëst zanter Juli déi Säit vum grousse Pull: d’Marianne Villière gouf näämlech zu Lëtzebuerg mam Edward Steichen Award, kuerz ESAL, ausgezeechent. D’Recompense fir dëse Präis ass eng Kënschtler:inneresidenz vu 6 Méint zu New York. D’Kerstin Thalau hat sech, kuerz virun hirem Depart, mat der Marianne Villière ënnerhalen. Mir proposéieren Iech en Extrait aus dem Gespréich.

Déi, déi eis kennen, wëssen et scho laang: An der Silvesternuecht loosse mir et kraachen hei um 100,7! Vun 8 Auer bis 2 Auer an der Nuecht gehéiert d’Antenn 3 Lëtzebuerger DJen. D’Affiche gouf zesummegestallt vum Andrea Mancini alias Cleveland, deen eis um Mëtternuecht mat engem Set am neie Joer begréisst. Den Yves Stephany mat den Detailer

30 Joer Atelier, 20 Joer Rockhal, Lëtzebuerg um ESC, Encore an der Rockhal, den Trounwiessel um Glacis, eng ganz Partie Präisser, nei Projeten, déi vill verspriechen an al Gesiichter, déi sech nei erfannen oder dat weiderentwéckelt a professionaliséiert hunn, wat si schonn zanter Jore mat vill Begeeschterung maachen. D’Museksjoer 2025 war fir Lëtzebuerg eng schéin Occasioun, ee Réckbléck op déi vergaangen 30 Joer, en Etat des lieux vun haut, en Ausbléck op muer ze maachen. De Marc Clement an de Jeff Schinker blécken zesummen op d’Joer zeréck.

De Michel Delage, d'Valerija Berdi an d'Vesna Andonovic stellen hir Fimer vum Joer vir.

Bei de leschte Kulturassisen, Mëtt November 2025, stoung net de Kulturentwécklungsplang oder ee bestëmmte Kultursecteur am Mëttelpunkt, mee eng Thematik: an zwar déi kënschtlech Intelligenz. Zanter gutt 5 Joer beschäftegt sech déi national Politik mat KI, zanter dem Lancement vun ChatGPT an aneren open-source-Servicer méi intensiv. Dem Kulturminister Eric Thill läit de Sujet besonnesch um Häerz, well hien do beim Kultursecteur eng gewëss Vulnerabilitéit spiert. Dowéinst goufen d’Alessandra Luciano an de Cédric Kayser vum Kulturministère beoptraagt, a Saache KI, e Plang an e “Livre blanc” fir d’Assisen auszeschaffen. D’Kerstin Thalau an de Marc Clement mat engem KI-Assise-Réckbléck ganz ouni KI

All Joer ginn och zu Lëtzebuerg literaresch Wierker ausgezeechent. Wéi eng dat sinn, ëm wat et an deene Bicher geet a wéi et soss ëm Lëtzebuerger Literatur steet, erzielt d'Valerija Berdi am Gespréich mam Jeff Schinker.

E puer Deeg éier et mat der franséischer Wanterrentrée weidergeet, ka sech deen äifrege Lieser kuerz erblosen an op dat vergaangent Joer zeréckblécken. De Jeff Schinker mat enger perséinlecher Synthees vun de franséischen an englesche literareschen Highlighten aus dem Joer 2025.