All content for Magazin is the property of Radiotelevisiun Svizra Rumantscha (RTR) and is served directly from their servers
with no modification, redirects, or rehosting. The podcast is not affiliated with or endorsed by Podjoint in any way.
Il «Magazin» è l'emissiun da profundaziun che furnescha mintga di las pli impurtantas novitads, reportaschas ed analisas.
Oz ha la scheffa da l'infrastructura chantunala, la cussegliera guvernativa Carmelia Maissen, pudì surdar uffizialmain l'edifizi chantunal sanà ed engrandì a la Dretgira superiura ed a ses president Remo Cavegn. Il bajetg chantunal da passa 140 onns è vegnì sanà durant pli che dus onns.
Il plateau ost sa muventa uschè spert sco anc mai. - L'equipa naziunala svizra è qualifitgada per ils campiunadis mundials - Nus dumandain daco ch'uschè paucs giuvens van a votar ed ils 30 da november datti pli probabel duas giadas Na a l'urna.
Chattar in'abitaziun adattada en la citad da Cuira? Quai n'è betg sempel. Quai sentan er ils students e las studentas che vulessan gugent vegnir a Cuira a studegiar. La mancanza da spazi d'abitar tucca er els. Pel mument mauncan circa 620 chombras, tenor in'analisa da las scolas autas da Cuira.
Malgrà in onn difficil per la producziun da plantas, la qualitad da vita da las famiglias purilas è creschida. - Bianchi e Bont, duas giuvnas grischunas ch'èn per l'emprima giada en il cader da Swiss Ski.
Ils campiunadis da gimnastica d'urdains han gì lieu ad Aarau. E per tge vai insumma tar la «Iniziativa per l'avegnir»? Ulteriurs temas èn l'emprendissadi che renda era per interpresas ed inquala novitad.
Il center d’innovaziun a Cuira, Innoqube Swiss SA, serra sias portas. Sco l'interpresa ha confermà envers RTR saja il motiv che start-ups ed interpresas investeschian pli pauc en l’innovaziun, pervia da la malsegirezza economica.
8 mais praschun cundiziunà cun in temp d'emprova da 2 onns spetgan l'anteriur selvicultur da S-chanf. Il boom solar para da laschar suenter, David Stickelberger da la Swisssolar metta a lieu. E plirs scolars han discuvrì il mund da lavur tar la chasa RTR durant il di dal futur.
La lavur da manischar bus daventa tenor manischunzas, manischunz e sindicats da la branscha adina pli pretensiusa. Il medem mument duai il traffic public esser bunmartgà e l'urari spess. Era en il Grischun è la situaziun tendida.
Cuira sto decider: acceptar il credit supplementar da 40,6 milliuns francs per la nova pendiculara Brambrüesch u betg. A Tavau decida il suveran la fin da l'october davart in project d'in center da traffic. Ed Annina Hunziker raquinta dal pass sco actura da teater fin en la tevisiun.
Spitals regiunals ch'ein sez daventai pazients ed han da sbatter cun problems, surtut finanzials. Buc auter il Spital Regiunal Surselva che sto far patratgs davart sias purschidas.
Il process da la Dretgira regiunala Malögia cunter l'anteriur selvicultur e schef da la resgia a S-chanf è a fin. - Ina brev da la regenza avant la votaziun dal provediment da sanadad en Enginadin'Ota sveglia dumondas. - Ed Andreetta Nogler raquinta da sas experientschas sco actura laica.
