Dat neit Joer steet virun der Dier an dat ass fir vill Leit traditionell e Moment, op deem si sech eng positiv Verännerung virhuelen. Méi Zäit mat der Famill, méi Sport, méi gesond Iessen a vläicht ass fir deen een oder anere jo och ee Virsaz manner Alkohol ze drénken. Oder wéi wier et mat engem ganze Mount Paus? De Lëtzebuerger Gesondheetsministère lancéiert ganz offiziell deen éischten Dry January hei am Land. Ee Rendez-vous, dee weltwäit all Joer vun Dausende Leit agehale gëtt. Firwat och de Grand-Duché elo beim Dry January matmécht, dozou ginn et Explikatioune vun der Coordinatrice vum Programm PALMA, dem Lëtzebuerger Aktiounsplang géint de Mëssbrauch vun Alkohol, der Catherine Tomicic.