Ka kɛɲɛ ni tunkalatagalaw tɔgɔladon kɛrɛnkɛrɛnnen, min be  laɲanamaya san o san desanburukalo tile 18, Aw ka jɛmukan mandi « Musow ka kɛnɛ » be kuma bi, tunkannaden musomanw ka gɛlɛya de kan. U bɛ minnu sɔrɔ baaraɲini na, u tɛ segin ka na faso kɔnɔ. Nunu be gɛlɛya jumɛnw sɔrɔ baaraɲini na, fɛɛrɛ jumɛn ka kan ka bila senkan walasa ka nin muso dɛmɛ? Lalaïcha DOUCOURE n'a ka maa welelenw bena kuma olu de kan bi. 

"Musow ka kɛnɛ " be kuma nin sen in na, gwɛlɛya min kan, o be du caaman kɔnɔ. O ye lujuratɔmusow ka baarako gɛlɛya de ye. Gwɛlɛya jumɛn b'u sɔrɔ u ka baaraɲini na? fɛɛrɛ jumɛn ka kan ka bila senkan walasa ka nin mɔgɔ nunu jɔyɔrɔ dɔn? Lalaïcha DOUCOURE n 'a ka mɔgɔ weelelenw be kuma olu de kan bi

Sidabana kɛlɛli kalo hukumu kɔnɔ, an ka jɛmukan mandi be kuma  bana in de kan kɛrɛnkɛrɛnnenya la,  ɲɛtaga belebele minnu kɛra bana in kɛlɛli la ka se bi ma. An bena kuma bana in kɛlɛli dɛmɛw jɔli kɔlɔlɔw fana kan. Lalaïcha DOUCOURE ye wele bila banabagatɔw ka kulu dɔ ma ani kɛnɛya tigilamɔgɔ don. 

Ka kɛɲɛ ni ɲankatawale ani binkanniwale kɛlɛli ye musow fanfɛ, aw ka jɛmukan mandi be kuma "16 jours d’activismes campagne" dibiw de kan. Tile tan ani wɔɔrɔ wulikajɔw sera ka na ni yɛlɛma minnu ye an be kuma o de kan bi. Lalaïcha DOUCOURE ye weele bila, musow ka hakɛ lasafabaga dɔ ma ale bena cama ɲɛfɔ an ye. An k'u lamɛn 

Bi ye novanburukalo tile 25 ye, don kɛrɛnkɛrɛnnen min tara diɲɛ kɔnɔ, ɲankata ani fariyawalew kɛlɛli la musolakaw fanfɛ. Bi an tena hakili jigi dɔrɔn kɛ ni waleya nunu kan, an bena fɛɛrɛw de ɲini bi walasa ka dan kari waleya nunu na min na musow bɛ se ka tanga cogoya min na. Musow ka hakɛ lafasabagaw ani sigidalakow dɔnbagaw, olu kumana an ye fɛɛrɛ dɔw kan, u ni Lalaicha DOUCOURE ka baro senfɛ. 

Ni san laban nunu kɔnɔ, musso caman de wulilen don k'u sen don yɛlɛma ani yiriwalibaaraw la. O muso nunu be k'o baara nunu waleya ni kɛnyɛrɛye baaraw de ye, n'an k'o ma ko "entrepreneuriat feminin". Bi, Lalaïcha DOUCOURE n'o muso nunu dɔw de ben'aw baro aw ka jɛmukan mandi kɛnɛ kan.

Bi aw ka jɛmukan, muso ka kɛnɛ, be kuma baarakɛdenw ka baarabolo lakodɔnni de kan sariya sirafɛ.O bɛ kɛ sababu ye ka degun wuli ka bɔ nin dɛmɛbaga ninnu kan. Lalaïcha DOUCOURE n'a ka mɔgɔ welelenw be kuma o de kan. 

Bi musow ka kɛnɛ kan an bɛ kuma musow jɔyɔrɔ de kan kɛlɛw ɲɛnɛbɔli la ani bɛn kumaw sabatiliw la. Ɔkutɔburukalo tile 31 san 2000 diɲɛ tɔnba ka lakanako bolofara ye latigɛ ta u ye min tɔgɔda ko "résolution 13.25", musow, bɛn ani lakana kan. O latigɛ in b'a laɲini musow sen ka don kɛlɛ kumaw la, a ɲɛnɛbɔliw ani musow ka lakana ka bɔ cɛ ni musoya binkaniw ma.

Musow ka kɛnɛ be kuma bi, kunkow ka bolomafara de kan de kan. Kɔɲɔ ani denkundi bolomafarako minnu bɛ ka musow ka jɛw tiɲɛn. Lalaïcha DOUCOURE n'a ka maa welelenw bena kuma o de kan

Bi, an be kuma wolonugu bonbana "Cancer du col de l’utérus" de kan. Nga a b’an sinsin kuma min kan, da te se a ma ka caya, n’an ko nasarakan na "Tabou". Yala n’i te se ka kuma i ka suturako kan, i be se k’a dɔn ni bana b’i la walima n’a t'i la wa? jango wolonugu ko musow yɔrɔ la. Walasa ka faamuyaliko ɲuman sɔrɔ an ye weele sama musofurakɛdɔgɔtɔrɔ Saran Camara ma, ka bɔ la Guinée. Ale ni hakilisigidɔgɔtɔrɔ Aoua Sanogo ka bɔ Mali la.

An be taa ɲɛ n’an ka jɛmukanw ye sin bonbana kan. Dɔgɔkun tɛmɛnen, an kumana sinbon banagabatɔw ka kɛrɛfɛdɛn kan. Nin dɔgɔkun in na, an bɛ kuma jɛkuluw kan, minnu be sin bonbana kɛlɛ la. O la Koumba Kanouté ye weele bila Mali jɛkulu min be bonbana kɛlɛli la, ALMAC, o ɲɛmɔgɔ ma. Ale ni jɛkulu Zero cancer feminin, o fana ɲɛmɔgɔ ka bɔ Burkina Faso. 

kɛrɛfɛdɛn ye sin-bonbanabaatɔw caman ka gɛlɛyaba dɔ ye. Aw ka musow ka kɛnɛ bɛna kuma o baabu de kan bi, ka kɛɲɛ ni Ɔkitɔburukalo sinbonbana kɛlɛli baaraw ye. kɛrɛfɛden kɔlɔlɔw bɛ muso sin-bonbanabagatɔ minnu kan, aw bɛna caman faamu u ka lahalayaw kan ni Lalaïcha DOUCOURE ka mɔgɔ weelelenw ye.

Bi, musow ka kɛnɛ jɛmukan bɛ kuma, bololantonlantan na musow de kan. Ka taa zuluyekalo kile 26 ka taa bila utikalo kile 3 la, musow ka ɲɔgɔn kumbɛba Afrobesket kun bɛ sen na Abidjan Côte  d’Ivoire faaba la.

Bi musow ka kɛnɛ jɛmukan kɔnɔ, an bena kuma musow hakɛw dɔgɔyali de kan sanfɛkalanso karamɔgɔyaw la, ani dɔniyasɛbɛn doctorat sɔrɔliw la. Ola, août kalo tɛmɛnen, Guinée sanfɛkalankow ni ɲinini minisiriso y'a latigɛ ka fɛɛrɛ dɔ bila senkan ka muso 250 kalan, sanfɛkalan karamɔgɔya ni a ɲininiw la. Laɲini ye de ka seka musow hakɛ caya o baarabolo in kɔnɔ yani san 2035 cɛ, o min jɔyɔrɔ fanba bɛ cɛw de bolo.

Bi musow ka kɛnɛ jɛmukan na, an bɛna kuma musow jɔyɔrɔ de kan bɛɛjɛfanga sabatili la. Sɛtanburukalo tile 15 sungandila diɲɛ kɔnɔ ka kɛ  bɛɛjɛfanga tɔgɔladɔn kɛrɛnkɛrɛnnen. Wa ni y'a san 34 muso jɛkulu collectifs des femmes du Mali COFEM ye talikɛ wulikajɔw la, ka laɲini sɔrɔdasi fanga ka boyi, walasa bɛɛjɛfanga ka sigi. Ola Koumba Kanouté ye COFEM jɛkulu in sigibaga ni a wulikajɔkɛla muso dɔ lasɔrɔ a ka masaala u jɔyɔrɔ kan bɛɛjɛfanga sigili laɲini ko kan. An k'u lamɛn. 

Bi, musow ka kɛnɛ jɛmukan kɔnɔ, an bɛna kuma, cɛ ni musoya kalanw de kan bogotiginiw fɛ, ni bɔlɔlɔ kan tile in na. O kun kɔnɔ, Septembre kalo tile nani yɛrɛ sugandia diɲɛ tɔnba fɛ, i ko dɔn kɛrɛnkɛrɛnnen cɛ ni musoya kalan kan. Ani an bɛna don kun jumɛnw la bogotiginiw bɛ ta cɛ ni musoya kunnafoni ɲini yɔrɔ wɛrɛw la, a bɛ se ka kɔlɔlɔ jumɛn de lase u ka musoya ma ani cɛ ni musoya kalan cogo ɲuman ye mun ye bogotiginiw fɛ. Koumba Kanouté n’a ka mɔgɔ weelelenw bɛna o wala wala an ye sisan. 

Bi, musow ka kɛnɛ jɛmukan bɛ kuma, bololantonlantan na musow de kan. Ka taa zuluyekalo kile 26 ka taa bila utikalo kile 3 la, musow ka ɲɔgɔn kumbɛba Afrobesket kun bɛ sen na Abidjan Côte  d’Ivoire faaba la.

Diɲɛ kɛnɛyako tɔnba ka jateminɛsɛbɛn laban y'a yira ko muso 712 de be faatu, u ka kɔnɔmaya walima jiginni senfɛ, ko o min be bɛn muso kelen ma sanga 2 o sanga 2. San laban min jate b'u bolo, o ye san 2023, ale b'a yira ko muso 260 000 de tora musokɛlɛ la, wa ko nin muso ninnu bɛɛ ka saya tun be se ka bali.

Farafina ani diɲɛ kɔnɔ, muso lujuratɔw ka dɛnkɛrɛfɛ kɛlen don k'u bali fɛn caman ma. O muso nunu hakɛ be bɛn, diɲɛ kɔnɔ 19 de ma kɛmɛsara la. Musow lujuratɔw ka dɛnkɛrɛfɛ sababu dɔ ye, u senbɔli ye sigida ɲɛtagakow la, kɛnɛyako,  kalanko, foo ka ta se baara sɔrɔlikow ma.

Bi musow ka kɛnɛ jɛmukan kɔnɔ, an be kuma hakili duman dilannen de kan, musow ka baara kɔnɔna na. Ni hakili duman dilannen labaarala ka ɲɛ, a be se ka kɛ sababu ɲuman ye musow ma u ka baara tagabolo la wa? A be se ka kɔlɔlɔ lase u ma, n'a ma labaara ka ɲɛ wa? O la hakili duman dilannen jɔyɔrɔ be se ka kɛ mun ye musow ka baara kɔnɔna na, a bɛ se k'u dɛmɛ cogo di?  Koumba Kanouté n'a ka mɔgɔ welelenw b'o walawala an ye.