تعرف إن الدبانة بتدوق الأكل برجليها؟آه والله يا صاحبي.يعني قبل ما تقرر تقف على طبق الكشري بتاعك وتشاركك فيه،هي بتكون خدت فكرة عن الطعم بمجرد ما لمسته برجليها.فرجليها دي يا معلم عبارة عن جهاز استشعار وتذوق متكامل،بيخليها تعرف الأكل ده حلو ولا حادق ولا بايظ في جزء من الثانية.الدبانة يابو الصحاب ماكينة طيران دقيقة بشكل مرعب.عندها جناحين بيخفقوا حوالي 200 مرة في الثانية،وعندها حاجة اسمها “هالترز” ودي مراوح توازن صغيرة شغالة زي جيروسكوب بيخليها تعمل أكبر مناورات جوية ،وهي طايرة في أوضتك عادي جدا.والأغرب من ده كله،إن الدبانة بتشوف العالم حواليها كأنه فيلم متصور بوضع الـ Slow Motion.ده غير إن عينيها المركبة اللي فيها آلاف العدسات،بتشوف بيهم الحركة من كل زاوية تقريبًا،ورد فعلها أسرع من صفارة الحكم… حرفيًا أجزاء من الألف من الثانيةعشان كده صعب جدًا تضربها،لأن بالنسبة لها يا تشكيسإيدك وهي نازلة عليها بتكون بطيئة زي السلحفاة اللي عندها شد عضلي.