تعرف إن طائر الحذاء او ابو مركوب،مش مجرد طائر عادي بيطير ويصوصو.لا يا صاحبي ده كابوس متحرك بيمشي على رجلين.كائن تحس إنه هربان من العصر الطباشيري،ونسي ينقرض مع الديناصورات.وشه عبارة عن جزمة قديمة مقاس 60.وعينيه فيها نظرة شريرة وميتة،تخليك تحس إنك عملت جريمة، حتى لو أنت قاعد في بيتكوا عادي.طائر الحذاء يا شكس كان معروف برضوا في التاريخ،فالمصريين القدماء كانوا عارفينة كويس جداً.بس محبتوش يعملوه إله زي الصقر حورس أو أبو قردان.لأ دول كانوا راسمينه في البرديات والنقوش، كأنه وحش مستنقعات شرير.حاجة كدة بتيجي في الكوابيس الفرعونية.وكانوا بيعتبروه رمز للفوضى والشر اللي لازم يتصاد.وده طبيعي جداً بصراحة.أنت لو صحيت الصبح لقيت واحد بالوش ده باصص لك.أكيد مش هتتفائل خير ليومك.المهم إن الكائن ده واقف طول حياته ثابت زي التمثال الشمع.مبيتحركش بالساعات.لدرجة إن السمك بيفتكره شجرة أو حتة خشب.بس في اللحظة اللي بيقرر يتحرك فيها.بيتحول لسفاح مستنقعات من الدرجة الأولى.بينقض على فريسته وبياكلها كاملة.سواء كانت سمكة، تعبان، أو حتى تمساح صغير!وأغرب حاجة فيه صوته.فابو مركوب يا معلم مبيغنيش زي العصافير ،ولا حتى بينعق زي الغربان.لا يا شكس.ده بيعمل صوت "طقطقة" بمنقاره.صوت شبه مدفع رشاش آلي في قلب ساحة الحرب.
تعرف إن الشيتا هو الحيوان الوحيد في عائلة القطط الكبيرة،اللي مبيقدرش يزأر؟آه والله يا صاحبي.الوحش اللي بيجري أسرع من عربية فيراري،مش بيزأر زي الأسد أو النمر.لأ،ده بيصوصو وبيطلع أصوات شبه الطيور،وبينونو زي القطط البيتية.كائن كله تناقضات.الكائن ده مش مجرد أسرع حيوان بري على الكوكب،لأ،ده معجزة هندسية ربانية ماشية على أربع رجلين.عموده الفقري مرن زي السوستة،ورجليه الخلفية طويلة وقوية بتشتغل زي مكبس هيدروليك،وديله الطويل بيشتغل كدفة عشان يوجهه في المنعطفات على السرعات العالية.حتى مخالبه مش بتدخل جوه رجليه زي باقي القطط،لأ، دي بتفضل بارزة زي مسامير كاوتش عربيات السباق،عشان تديله ثبات على الأرض وهو بيجري.يعني باختصار،ده فورمولا 1 الطبيعة.هذا العدّاء الأنيق،اللي جسمه ممشوق زي عارضات الأزياء،وعلى وشه خطين دموع سود نازلين من عينيه،كأنه بيبكي على سرعته اللي بتخنقه.في مصر القديمة،كانوا بيقدسوه جدًا،الفراعنة كانوا بيربوه كحيوان أليف ملكي،ورمز للسرعة والأناقة والقوة.حتى كلمة "شيتا" نفسها،جاية من اللغة السنسكريتية القديمة "شيتراكا"،ومعناها "صاحب البقع" أو "المرقط".
النهارده هنغوص في العالم البطيء والهادئ بتاع الكسلان.وهنشوف إزاي الكائن ده بيعيش حياته البطيئة جدًا دي.من يوم ما اتولد وهو متعلق في شجرة كأنه زينة رمضان. لحد ما يبقى فيلسوف الغابة اللي بيقضي أيامه في تأمل عميق... و نوم أعمق.بس متفتكرش إن حياته مملة يا أبو الصحاب.لأ، دي مليانة دراما من نوع خاص، وتشويق بالتقسيط المريح.من محاولات هروب بطيئة من العقبان الجارحة. لحد قصص حب بتاخد أسابيع عشان تبدأ.فجهز نفسك يا بابا، وهات بقى معاك مخدة وبطانية.لأنك داخل على حكاية هتخليك تعيد التفكير في معنى السرعة والحياة.قصة الكسلان، أبطأ بطل في تاريخ مملكة الحيوان.
تعرف إن العقاب الذهبي بيقدر يصطاد وياكل ذئب؟آه والله يا صاحبي،الطيارة الحربية دي مش بتاعت هزار.ده مش مجرد طائر جارح،ده قمة الهرم الغذائي في مملكته،سيد السما،وإمبراطور الجبال الشاهقة.الكائن ده يا صاحبي عبارة عن سلاح طائر متكامل.جناحاته لما بتتفرد،ممكن توصل لأكتر من مترين وربع،أعرض من باب أوضة نومك.بيقدر يطير على ارتفاعات شاهقة،ويستخدم التيارات الهوائية عشان يفضل في الجو ساعات من غير ما يرف بجناح واحد،كأنه طيارة شراعية من غير طيار.لكن لما بيحدد هدف،بيتحول من طيارة شراعية لصاروخ باليستي.بينقض على فريسته بسرعة ممكن توصل لـ 320 كيلومتر في الساعة!أسرع من عربية فورمولا 1 يا معلم.وعينيه دي مش مجرد عيون،دي تلسكوبات عسكرية حية.حدة بصره أقوى من الإنسان بـ 8 مرات،بيقدر يشوف أرنب بيتحرك من على بعد 3 كيلومتر.يعني لو هو واقف فوق برج القاهرة،يقدر يشوف نملة بتعدي الشارع في ميدان التحرير.ومخالبه... يا خبر أبيض على مخالبه.قوة القبضة بتاعتها بتعادل 10 أضعاف قوة قبضة إنسان رياضي،بيقدر بيها يكسر جمجمة تعلب أو يمسك في ضهر غزال صغير وهو طاير بيه.ملزمة حديد يا أبو الصحاب.
تعرف إن البومة عندها القدرة تلف راسها لحد 270 درجة؟اه والله يا صاحبي..يعني وانت واقف بتتفرج عليها، ممكن تلاقيها لفت وشها وبتبصلك من الناحية التانية من غير ما تحرك جسمها خالص.البومة يا شكس كائن غامض!أكتر حاجة بتميزها هي العيون الكبيرة المدوّرة، اللي بتنور في الضلمة زي كشافات العربياتزوعندها ودان بتسمع الأصوات بدقة مرعبة. وبتقدر تحدد مكان أي حركة حتى لو مستخبية تحت ورق الشجر.واللي بيخلي البومة مميزة عن باقي الطيور..هو أسلوب صيدها!!الريش بتاعها معمول بطريقة تمتص صوت الهواء، يعني تطير فوق راسك يا معلم من غير ما تسمع حسوبكده بتكون أستاذة فنون التسلل.زي نينجا حقيقي!!أعداد البوم حوالين العالم كبيرة، وفي منها أكتر من 200 نوع، من أصغر بومة بحجم كف إيدك لحد البومة النسارية اللي ممكن جناحها يوصل مترين.وعبر التاريخ البومة كان ليها مكانة في الأساطير..فاليونانيين اعتبروها رمز الحكمة،وشعوب تانية زينا كعرب بنشوفها كرمز للشؤم ،وناس تانية اعتبروها رمز للموت.بس الحقيقة إن البومة مجرد مقاتلة ليلية، بتدور على أكلها، وتحافظ على التوازن في الطبيعة.لكنها بقى ولا ليها اي دور في التشائم او الموت او الهري دا كله.
تعرف إن الأوركا أو الحوت القاتل زي ما الناس مسمياه ظلم، هو أضخم عضو في عيلة الدلافين؟آه والله يا صاحبي! ده دولفين بس على كبير أوي، كينج سايز يعني.الشاب اللي لونه أبيض وأسود وكأنه لابس بدلة توكسيدو ولا اجدعها مافيوسو، مش مجرد شكل ومنظر، ده مافيوسو حقيقي ، ويعتبر من أذكى الكائنات البحرية على الإطلاق.دماغه دي يا معلم كمبيوتر بحري متنقل، فيها خرائط وتكتيكات وخطط صيد جهنمية. بيقدروا يتكلموا مع بعض بلغة خاصة، وكل بود او شلة أو عصابة أوركا ، بيكون ليها اللهجة بتاعتها.
تعرف إن وحيد القرن برغم وزنه اللي ممكن يعدي الاتنين طن. يعني قد عربية نقل صغيرة كده.بيقدر يجري بسرعة توصل لـ 50 كيلومتر في الساعة؟آه والله يا صاحبي!!يعني يقدر يلعب مع تومناية عالطريق عادي.الكائن الضخم ده، واللي شكله طالع من فيلم جوراسيك بارك.جلده تخين جدا، عامل زي الدرع الواقي، ممكن يوصل سمكه لـ 5 سنتيمتر!يعني لو ضربتة برصاصة، هيفتكرها ناموسة قرصتة.
تعرف إن أنثى فرس النبي ساعات بتاكل جوزها بعد الجواز علطول؟آه والله يا صاحبي!مش بتطلب الطلاق، ولا بتعمل بلوك على الواتساب، ولا حتى بترفع قضية خلع.لأ يا شكس..هي حرفيا بتخلع دماغة من جسمة،وتحوله لوجبة عشا مليانة بالبروتين.ودي مش خيانة زوجية يا باشا، لا ده قانون بقاء من أغرب وأعنف ما يكون.الكائن العجيب اللي شكله رقيق وهادي كأنه بيصلي، هو في الحقيقة واحد من أمهر القتلة في عالم الحشرات.قاتل صامت، بيعتمد على التخفي والصبر، وبعدين بيضرب ضربته في جزء من الثانية، أسرع ما بترمش بعينك.دماغة بتلف 180 درجة، يعني بيقدر يبص وراه من غير ما يحرك جسمه.
تعرف إن سمكة المنشار أصلاً مش سمكة قرش؟آه والله يا صاحبي!مع إن جسمها شبه القروش، لكن هي في الحقيقة تبع عيلة "الراي" والشفنينيات او اللي هي ال Batoids.يعني بنت عم الستينجراي.بس دي نسخة مرعبة ومطورة، كأنها سمكة راي دخلت الجيش واتخرجت منه بأسلحة تقيلة.والسلاح الأساسي بتاعها، هو المنشار اللي على وشها، وده حكاية تانية خالص يابو الصحاب.فده مش مجرد سلاح بتمشي تعور بيه الناس وخلاص.لا يا معلم،ده جهاز استشعار ورادار متطور جدًا.متغطي بمئات المسام الصغيرة، اللي بتقدر تحس بأضعف الإشارات الكهربائية، اللي بتطلع من عضلات أي كائن حي مستخبي تحت الرملة. يعني بيشوف اللي محدش شايفه، وبيقرأ الأفكار اللي تحت الطين.ولما بيلاقي الفريسة، بيتحول المنشار ده في لحظة لسيف ساموراي، بيضرب بيه يمين وشمال بسرعة البرق، يشق الميه، ويقطع ويصعق أي سمكة في طريقه.
تعرف إن النملة اللي إنت ممكن تدوس عليها وإنت ماشي دي، هي جزء من أكتر إمبراطورية نجاحًا وتنظيمًا في تاريخ كوكب الأرض؟آه والله يا صاحبي،البشر بكل حضاراتهم وجيوشهم وتكنولوجيتهم،يعتبروا هواة جنب التنظيم الخارق بتاع النمل.النمل موجود على الكوكب ده من أكتر من 140 مليون سنة،شافوا الديناصورات وهي بتيجي وبتروح،وشافوا العصر الجليدي،وشافوا البشر وهما لسه بيتعلموا يولعوا النار.وزن النمل كله اللي على الكوكب،يساوي تقريبًا وزن البشر كلهم!إنت متخيل حجم الإمبراطورية دي؟الكائنات دي يا أبو الصحاب،مش مجرد حشرات بتمشي في طابور.لأ،دي مجتمعات متكاملة فيها وظايف وتخصصات أدق من أي شركة مالتي ناشونال.فيه النمل العامل اللي بيبني ويجمع أكل،وفيه النمل الجندي اللي بيحمي المملكة،وفيه النمل المزارع اللي بيزرع فطريات عشان ياكلوها،وفيه النمل الراعي اللي بيربي حشرات المن زي المواشي عشان ياخد منها عسل!جيش منظم،ومجتمع مدني،واقتصاد متكامل.وكل الإمبراطورية الجبارة دي،كل الملايين دي،ليها حاكم واحد بس.قلب واحد بينبض،ومخ واحد بيفكر للمستقبل."الملكة".هي مش مجرد حاكم،هي أم كل فرد في المملكة دي.هي اللي بتأسس المستعمرة من الصفر لوحدها،وهي اللي بتفضل طول حياتها اللي ممكن توصل لـ 30 سنة،مبتعملش أي حاجة غير إنها تبيض،تبيض ملايين البيض عشان تضمن استمرار إمبراطوريتها.
تعرف إن الكوبرا الملكية أكلتها المفضلة هي التعابين التانية؟آه والله يا صاحبي.الكائن ده مش بياكل فيران ولا أرانب زي باقي الشلة،لأ يا شكس ده متخصص.قايمة طعامه الأساسية عبارة عن ولاد عمه من الزواحف.يعني ده ملك ،بياكل الملوك التانيين.قاتل تعابين محترف،أو زي ما بيقولوا عليه بلغة العلم "Ophiophagus"،او آكل الحيات.الكائن الأسطوري ده،هو أطول تعبان سام في العالم كله،طوله ممكن يعدي الخمسة متر ونص،يعني أطول من عربية ليموزين.وعضته مش مجرد عضة،دي حقنة موت مركزة.كمية السم اللي بيحقنها في عضة واحدة،كفيلة إنها تقتل فيل ضخم،أو عشرين بني آدم زي حالاتنا يا معلم.
تعرف إن الفيل مش مجرد أضخم كائن بري على الكوكب؟لأ يا شكس،ده مهندس معماري بيغير شكل البيئة اللي عايش فيها،وذاكرة متنقلة بتحفظ خرايط لأجيال،وأسطورة ماشية على أربع رجلين هزت عروش وحضارات.آه والله يا صاحبي،ده مش مجرد حيوان ضخم بياكل كتير وخلاص،ده مؤسسة اجتماعية كاملة.في الحضارة الهندية،هو "جانيشا"،الإله اللي راسه راس فيل،ورمز الحكمة والذكاء وإزالة العقبات.وفي أفريقيا،هو رمز القوة الملكية والوقار،والزعيم الحكيم اللي مفيش كلمة تتقال بعد كلمته.حتى في الأساطير،الفيل الأبيض كان بشارة بميلاد "بوذا" نفسه.هذا العملاق اللطيف،اللي ودانه الكبيرة بتشتغل زي الهوايات عشان تبرّد جسمه،وزلومته فيها أكتر من 40 ألف عضلة!يعني زلومته دي لوحدها مدينة عضلية متكاملة.بيقدر بيها يشيل جذع شجرة،وفي نفس الوقت يقدر يلقط حباية فول سوداني من على الأرض من غير ما يكسرها.دقة وقوة ميتوصفوش.سبحان الله.
تعرف إن الزرافة هي أطول حيوان ثديي على كوكب الأرض؟آه والله يا صاحبي!برج ماشي على أربع رجول،ورقبتها لوحدها ممكن توصل لمترين!يعني ممكن تلاقيها داخلالك من شباك اوضتك وبتصحيك من النوم عادي جدا.والقلب بتاع الكائن الطويل دا يا معلم،جبار بشكل لا يصدق.وزنه ممكن يوصل لـ 11 كيلو جرام،ولازم يضخ الدم بقوة خارقة عشان يوصل للمخ اللي فوق خالص هناك ده.ده غير إن ضغط دمه يعتبر من أعلى ضغوط الدم في مملكة الحيوان.عشان الدم يقدر يطلع كل المسافة دي لفوق،شغل هندسة ربانية بصراحة.والأعجب من ده كله يا تشكيس،ان الزرافة لما بتوطي راسها عشان تشرب مية.مبيجيلهاش دوخة ولا إغماء زي ما ممكن يحصلنا لو عملنا كده فجأة.ودا عشان عندها نظام صمامات وشبكة أوعية دموية في الرقبة بتنظم تدفق الدم للمخ.سبحان الله في خلقه بصراحة.
تعرف إن الدبانة بتدوق الأكل برجليها؟آه والله يا صاحبي.يعني قبل ما تقرر تقف على طبق الكشري بتاعك وتشاركك فيه،هي بتكون خدت فكرة عن الطعم بمجرد ما لمسته برجليها.فرجليها دي يا معلم عبارة عن جهاز استشعار وتذوق متكامل،بيخليها تعرف الأكل ده حلو ولا حادق ولا بايظ في جزء من الثانية.الدبانة يابو الصحاب ماكينة طيران دقيقة بشكل مرعب.عندها جناحين بيخفقوا حوالي 200 مرة في الثانية،وعندها حاجة اسمها “هالترز” ودي مراوح توازن صغيرة شغالة زي جيروسكوب بيخليها تعمل أكبر مناورات جوية ،وهي طايرة في أوضتك عادي جدا.والأغرب من ده كله،إن الدبانة بتشوف العالم حواليها كأنه فيلم متصور بوضع الـ Slow Motion.ده غير إن عينيها المركبة اللي فيها آلاف العدسات،بتشوف بيهم الحركة من كل زاوية تقريبًا،ورد فعلها أسرع من صفارة الحكم… حرفيًا أجزاء من الألف من الثانيةعشان كده صعب جدًا تضربها،لأن بالنسبة لها يا تشكيسإيدك وهي نازلة عليها بتكون بطيئة زي السلحفاة اللي عندها شد عضلي.
تعرف إن الجاجوار هو تالت أكبر قط في العالم كله؟اه والله يا صاحبي. بعد الببر والأسد طبعًا، بس ده ميقللش من هيبته أبدًا.ده ملك الأمريكتين بلا منازع، من أول صحاري المكسيك لحد غابات الأرجنتين.ولقب "جاجوار" ده جاي من كلمة عند السكان الأصليين. معناها "الوحش اللي بيقتل فريسته في قفزة واحدة خاطفة"! اسم على مسمى مفيش هزار.العملاق اللي جلده مرسوم بدواير فنية اسمها "روزيتس".وكل دايرة غالبًا بيكون جواها نقطة أو نقطتين سود، ودي بتكون البصمة بتاعته، ومحدش عنده زيها.
تعرف إن البطريق هو الطائر الوحيد اللي بيعرف يطير تحت المية، بس مبيعرفش يطير في الهوا؟آه والله يا صاحبي،ده كائن خد كل مواصفات الطيور،الريش والمنقار والبيض،ورماهم كلهم في الهوا،وقالهم: "لأ شكرًا، أنا مجالي بحري يا شباب".حوّل جناحته اللي المفروض ترفعه في السما،لزعانف قوية بتخليه يطير في أعماق المحيط المتجمد زي الطوربيد.هذا الجنتلمان الأنيق،اللي لابس بدلة توكسيدو طبيعية 24 ساعة في اليوم،كأنه رايح حفلة أوبرا كل يوم ومبيرجعش.مش مجرد شكل ومنظر يا شكس.ده رمز أسطوري للصمود والحب والتضحية، في وش أقسى بيئة ممكن تتخيلها على كوكب الأرض.بيئة درجة الحرارة فيها ممكن تنزل لـ 60 تحت الصفر،والرياح فيها ممكن تشيلك ترميك في كوكب تاني.
تعرف إن البرص اللي في بيتك ده يعتبر بطل خارق ماشي على الحيطة؟آه والله يا صاحبي،ده سبايدر مان حقيقي بس من غير بدلة ولا قناع.كائن عنده قدرات تخلي أعظم علماء الفيزياء يقفوا متنحين.رجليه مش بتلزق عشان فيها صمغ،لأ،ده في كل صباع من صوابعه ملايين الشعيرات الدقيقة جدًا،اللي بتتفاعل مع الحيطة على المستوى الجزيئي بقوة اسمها "قوى فان دير فالس".يعني الراجل ده بيكسر قوانين الجاذبية بالكيميا والفيزيا وهو ماشي.ده غير إن نظره بالليل أقوى من نظرك 350 مرة!بيقدر يشوف الألوان في عز الضلمة،حاجة إنت عشان تعملها يا شكس،محتاج نضارة رؤية ليلية بآلاف الدولارات.الكائن ده يا أبو الصحاب،اللي واخد سمعة سيئة في معظم ثقافاتنا،واللي أمهاتنا بتحلف إنه بينفخ في الملح يبوظه،وإنه سام ومكهرب وبيجيب الفقر.كل دي يا صاحبي إشاعات طلعها عليه أعداؤه من الصراصير والناموس.في الحقيقة البرص ده يعتبر أهم موظف في شركة مكافحة الحشرات اللي في بيتك،وشغال ببلاش 24 ساعة من غير مرتب ولا تأمينات.ده الشركة الالمانية الطبيعية ،اللي بيخلصك من كل الكائنات المزعجة اللي ممكن تنقلك أمراض.
تعرف إن البايسون الأمريكي كان على وشك الانقراض تمامًا.آه والله يا صاحبي،فبعد ما كان عدده أكتر من 60 مليون راس،وصل إنه مبقاش فاضل منه غير أقل من ألف راس على الكوكب كله.ده مش مجرد ثور ضخم وخلاص،ده أسطورة ماشية على الأرض،ورمز لصراع البقاء الأعظم في التاريخ الحديث.ده البايسون الأمريكي،أو زي ما الأمريكان بيحبوا يسموه "البافلو".الباشا ده يا صاحبي هو أضخم حيوان بري في أمريكا الشمالية كلها.الذكر البالغ، اللي هو التور يعني،وزنه ممكن يعدي الـ 900 كيلو بسهولة،يعني قد عربية فيات 128 بالركاب اللي فيها.ولو وقف على رجليه الخلفيتين،طوله ممكن يوصل لـ 3 متر،يعني ممكن يبص من فوق سور فيلا.ولو فاكر إن بالحجم ده يبقى بطيء وتقيل،تبقى غلطان يا معلم.العملاق ده بيقدر يجري بسرعة توصل لـ 55 كيلومتر في الساعة،أسرع من أسرع عداء في العالم،وعنده قدرة على المناورة وتغيير اتجاهه فجأة ،تخلي أي لاعب كورة محترف يتكسف من نفسه.السنام أو القبة اللي على ضهره دي مش دهن،دي كتلة عضلات جبارة،بتشتغل زي "محراث التلج" الطبيعي،بتخليه يفتح طريقه في التلج اللي ممكن يوصل ارتفاعه لمتر.الكائن ده بالنسبة لقبائل الهنود الحمر،مكنش مجرد حيوان.لأ يا أبو الصحاب،ده كان "الحياة" نفسها.كان هو السوبر ماركت والصيدلية والمول اللي ماشي على أربع رجلين.لحمه كان الأكل،جلده كان البيوت واللبس والبطاطين.عضامه كانت السكاكين والأسلحة والإبر.حتى قرونه كانت بتتعمل كبايات وأبواق.مكانش فيه حتة فيه بتترمي.كانوا بيقدسوه، وبيعتبروه هدية من "الروح العظيمة"،وعندهم أسطورة عن "أنثى عجل البايسون الأبيض"،اللي بتظهر كرسولة مقدسة بتجيب معاها السلام والوفرة.
تعرف إن الأخطبوط هو اقرب لكائن فضائي عايش معانا على الأرض؟آه والله يا صاحبي.ده كائن بيكسر كل القواعد اللي نعرفها عن الحياة.وخليني اقولك ليهالباشا دا يا شكس عنده 3 قلوب بتضخ دم لونه أزرق!مش أحمر زينا!لأن دمه قايم على النحاس مش الحديد.ولو شايف ان دا عادي..فخليني اقولك عاللي مش عادي.الاخطبوط عنده 9 مخاخ!ومش كلهم في راسه.لا يا معلم.راسه فيها مخ واحد رئيسي، وال8 مخاخ التانين، هما مخاخ صغيرة متوزعة على دراعاته التمانية.انت فاهم يعني ايه؟؟دا معناة ان كل دراع عنده مخ خاص بيه، بيقدر يفكر ويتصرف وياخد قرارات لوحده، حتى لو اتقطع من الجسم.ودا اللي حرفيا يا شكس نقدر نقول عليه بيفكر بدراعة.وعشان ابسطهالك اكتر.فالاخطبوط مش مجرد كائن واحد، ده عبارة عن "رئيس مجلس إدارة" و8 مديرين مستقلين، وكلهم شغالين مع بعض في نفس الشركة.
تعرف إن صقر الشاهين هو أسرع كائن حي على كوكب الأرض؟آه والله يا صاحبي،دا مش بس أسرع طائر!!لأ يا شكس،دا أسرع كائن حي في تاريخ الكوكب كله.يعني ولا الفهد الصياد (شيتا)،ولا سمكة الشراع اللي هي أسرع سمكة في الميه،ولا أي وحش تاني يقدر حتى يحصل نص سرعته.لما الباشا ده بيقرر يرمي نفسه من السما في وضع الهجوم اللي اسمه "ستوب" (Stoop)، سرعته ممكن تعدي الـ 320 كيلومتر في الساعة بسهولة، وفي تسجيلات وصلت لـ 386 كيلومتر في الساعة!إنت متخيل الرقم؟يعني أسرع من عربيات الفورمولا 1.أسرع من أسرع قطر رصاصة في اليابان.دا يا شكس كأنك رابط صاروخ في جناح فرخة وسايبه يعيش حياته.ده كائن بيقدر يكسر قوانين الفيزياء بمجرد إنه يفرد جناحته.