An dëser zweeter Episod vun Omega Talks geet et ëm d’Fro: Wat ass Palliative Care? D'Marie-France Liefgen an d'Cilly Soragna aus dem Service Formation erklären, wéi sech d'Palliative Care zu Lëtzebuerg an de leschte Joren entwéckelt huet, wat eigentlech den Ënnerscheed tëscht palliativ a kurativ ass, a firwat „palliativ“ net heescht, datt ee geschwë stierft. Si huelen iech och mat an den Alldag am Haus Omega, wou et net nëmmen ëm Ofschid geet – mee och ëm Liewen, Léift a Laachen. Intro: Aydio - Deltitnu

Wéi gesäit d’Aarbecht hannert dem Numm Omega 90 aus? An dëser éischter Episod vun Omega Talks schwätzt d'Yolanda mam Nicole Weis-Liefgen a mam Fabian Weiser, der Direktioun vun Omega 90. Si ginn eis en Abléck an d’Geschicht, d’Missioun an déi verschidden Offeren a Servicer vun eiser Associatioun. Zesumme kucke mir, wéi d’Equipe schafft, wat eis Projeten esou eenzegaarteg mécht – a wéi mir als Organisatioun Mënsche begleeden, déi sech an enger schwéierer Liewenssituatioun befannen. Lauschtert eran, léiert eis kennen, an entdeckt, wat Omega 90 ausmécht. Intro: Aydio - Deltitnu

Wëllkomm bei Omega Talks. De Podcast, deen iech am Liewe begleet – do, wou et ëm Krankheet, Doud a Trauer geet. All Episod invitéiert iech, Palliative Care aus enger neier Perspektiv z’entdecken: mat inspiréierende Gespréicher, beréierende Geschichten a prakteschen Tipps, fir dës wichteg Momenter am Liewe besser ze verstoen an ze meeschteren. Zesumme maache mir de Dialog op a fannen d’Wierder, déi dacks feelen. Intro: Aydio - Deltitnu