ប្រជាជនជិតប្រាំពីរលាននាក់ដែលរស់នៅតាមតំបន់ជាយក្រុង ដែលកំពុងពង្រីកខ្លួននៃទីក្រុងរដ្ឋធានីនានា របស់ប្រទេសអូស្ត្រាលី កំពុងប្រឈមនឹងហានិភ័យពីអគ្គីភ័យក្នុងតំបន់ប្រជុំជន ស្រដៀងគ្នាទៅនឹងអគ្គីភ័យដែលបានឃើញនៅទីក្រុងឡូសអាន់ជឺឡេសកាលពីឆ្នាំ២០២៥។ ការព្រមាននេះ ធ្វើឡើងដោយអតីតប្រធានសេវាកម្មពន្លត់អគ្គីភ័យអូស្ត្រាលី និងក្រុមប្រឹក្សាអាកាសធាតុ ខណៈដែលប្រទេសអូស្រ្តាលីកំពុងស្ថិតក្នុងស្ថានភាពរលកកំដៅដ៏ក្តៅបំផុតមួយក្នុងប៉ុន្មានឆ្នាំថ្មីៗនេះ។