ਕੈਲੀਫ਼ੋਰਨੀਆ ਵਿੱਚ ਇੱਕ ਸਮੁੰਦਰੀ ਸ਼ੇਰਣੀ ਰੋਨਨ ਨੇ ਵਿਗਿਆਨੀਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਰੋਨਨ ਰੌਕ, ਟੈਕਨੋ ਅਤੇ ਡਿਸਕੋ ਸੰਗੀਤ ‘ਤੇ ਬਿਲਕੁਲ ਬੀਟ ਦੇ ਨਾਲ ਸਿਰ ਹਿਲਾਉਂਦੀ ਹੈ ਤੇ ਕਈ ਮਨੁੱਖਾਂ ਨਾਲੋਂ ਵੀ ਵਧੀਆ ਤਰੀਕੇ ਨਾਲ। ਯੂਨੀਵਰਸਿਟੀ ਆਫ ਕੈਲੀਫ਼ੋਰਨੀਆ ਦੀ ਇੱਕ ਨਵੀਂ ਸਟਡੀ ਦੱਸਦੀ ਹੈ ਕਿ ਰੋਨਨ ਦੀ ਟਾਇਮਿੰਗ ਬਹੁਤ ਸੱਟਿਕ ਤੇ ਲਗਾਤਾਰ ਹੈ। ਖੋਜਕਰਤਾਵਾਂ ਦਾ ਮੰਨਣਾ ਹੈ ਕਿ ਇਹ ਸਮਰੱਥਾ ਜਾਨਵਰਾਂ ਵਿੱਚ ਪੈਟਰਨਾਂ ਨੂੰ ਪਛਾਣਣ ਦੀ ਕੁਦਰਤੀ ਯੋਗਤਾ ਵੱਲ ਸੰਕੇਤ ਕਰਦੀ ਹੈ। ਹੁਣ ਇਹੀ ਟੈਸਟ ਹੋਰ ਸਮੁੰਦਰੀ ਸ਼ੇਰਾਂ ‘ਤੇ ਕੀਤੇ ਜਾ ਰਹੇ ਹਨ।