Թանկ դեղորայք, միևնույն ժամանակ դեղերի դեֆիցիտ, էլեկտրոնային դեղատոմսեր և աստղաբաշխական տուգանքներ. ի վերջո ի՞նչ է կատարվում դեղերի շուկայում, զրուցել եմ «Անկախ Դեղատների Ասոցիացիայի» նախագահ Արթուր Խաչատրյանի հետ:

Ակադեմիական քաղաքի հայեցակարգ, հանրային քննարկմանը ներկայացված բարձրագույն կրթության և գիտության մասին օրենքի նախագիծ, և իհարկե բուհերի միավորման գործընթաց, այս և այլ շատ թեմաների մասին զրուցել եմ Բրյուսովի անվան պետական համալսարանի նախկին պրոռեկտոր Ցոլակ Ակոպյանի հետ:

«Գոյ» թատրոնը վերսկսել է նստացույցը։ Անձնակազմը պահանջում է միջանկյալ հրատապ լուծում. «Գոյ» թատրոնի աշխատանքների վերսկսումը մինչև դատարանի և իրավապահ մարմինների կողմից հարցի վերջնական լուծում։ Թատրոնի ճակատագրի մասին զրուցել եմ «Գոյ» թատրոնի կառավարման խորհրդի նախագահ Սարգիս Արզումանյանի և «Գոյ» թատրոնի դերասան Արսեն Ազիզյանի հետ։

Հունվարի 1-ից Երևանի ավագանու որոշմամբ տրանսպորտի ուղեվարձը թանկանալու է, միաժամանակ ներդրվելու են տարբեր տեսակի տոմսեր: Ո՞ւմ համար, և ո՞րքան է թանկանալու հանրային տրանսպորտը կխոսենք Երեւանի ավագանու «Մայր Հայաստան» խմբակցության ղեկավար Մանուկ Սուքիասյանի հետ:

Իրենց համոզմունքների համար պայքարի ուժ գտնող մարդկանց Հայաստանի ներսում ոստիկանությունն այս օրերին անօրինակ բռնության է ենթարկում: Սա՞ է «ժողովրդավարական» Հայաստանի պատկերը՝ ոստիկանական համակարգի բարեփոխման արդյունքը, պարզ չէ: Պարզ է միայն, որ Ոստիկանական համակարգում «անկասելի» բարեփոխումների մի շղթա էլ է միս ու արյուն ստանում՝ խոսքը Ոստիկանության գվարդիայի մասին է: Ի դեպ, համաձայն նոր օրենքի ռազմական դրության եւ պատերազմի ժամանակ վերջիններիս պաշտպանական գործառույթի սահմանը չի ներառելու ՀՀ պետական սահմանը: Այս դեպքում ու՞մ կամ ի՞նչը ումից են պաշտպանելու ՀՀ ներքին զորքերը... Այս և շատ այլ իրավական խնդիրների շուրջ սոցիալական արդարության փոդքաստում զրուցել ենք իրավապաշտպան, սահմանադրագետ Գոհար Մելոյանի հետ։

Պատերազմներ, անմարդկային զրկանքներ. Արցախից բռնի տեղահանում, տուն-տեղ-հայրենիք-հարազատների-ընկերների կորուստ և պիտի շարունակես  ապրել, չկոտրվես, թևաթափ չլինես, Արցախի բարն ու բառը տարածես, մարդկանց բարբառի գեղեցկությունը ներկայացնես և այլն, և այլն... Այս ամենը արցախցի երկու ընկերների մասին է: Սոցիալական արդարություն փոդքաստում Մարիամն ու Տաթևն են։

Հունիսի 1-ի խորհրդի, օրենսդրական դաշտում առկա իրավական խնդիրների և առհասարակ, թե որքանով են մեր երկրում երեխաների իրավունքները պաշտպանված զրուցել եմ «Լույս ու սեր իրավունքների պաշտպանություն» ՀԿ  նախագահ Ռուբինա Պետրոսյանի հետ։

Չնայած այն հանգամանքին, որ ՅՈՒՆԵՍԿՕ-ից մինչև Վատիկան, Ադրբեջանին կոչ են անում պահպանել Արցախի հայկական պատմամշակութային ժառանգությունը, Ադրբեջանը հիմնահատակ ավերել է Կանաչ ժամը, Քարին Տակ-ը, հնագույն հայկական գերեզմանատունը, հողին է հավասարեցրել Բերձորի եկեղեցին և այլն։Արցախի հայկական հազարամյա մշակութային ժառանգության պահպանման կենսական անհրաժեշտության մասին զրուցել ենք մշակութաբան Արմինե Տիգրանյանի հետ:

Այս փոդքաստում զրուցելու ենք Գարիկ Ղուկասյանի հետ՝ մարդ, հայ, քաղաքացի, ով չի կարող անտարբեր լինել հայրենիքի հանդեպ տեղի ունեցող անարդարությանը, և իր բաժին պայքարը, իր կամքն ու խոսքն արտահայտելու իրավունքը նրան Վանաձորից Կիրանց է տարել։

Լրագրողի աշխատանքին խոչընդոտելը, լրագրողի նկատմամբ բռնություն գործադրելը քրեորեն պատժելի է, բայց արդյո՞ք օրենքը գործում է բոլորի համար հավասարապես, թե՞ այնուամենայնիվ բոլորի արյունը կարմիր է, բայց որոշների արյունը ավելի՛ կարմիր է: Տարբերակված մոտեցման, լրագրողների նկատմամբ երկակի ստանդարտների մասին զրուցել լրագրող Հռիփսիմե Ջեբեջյանի հետ։

Տեղեկատվական անվտանգություն՝ մեկ գրամ անգամ չափազանցրած չենք լինի, եթե ասենք, որ 21-րդ դարում պատերազմների առաջին կոմպոնենտը հենց տեղեկատվականն է: Ինչպե՞ս է քո հասարակությունը դիմադրում հիբրիդային պատերազմներին, մեծապես պայմանավորված է հանրության գիտելիքներով, իրազեկվածությամբ և դրանց խելամիտ համակարգմամբ ու կառավարմամբ։ Ինչպե՞ս մեր օրերում տարբերել ճշգրիտ ինֆորմացիան կեղծից և չդառնալ տեղեկատվական մանիպուլյացիայի զոհ: Այս ամենի մասին զրուցել ենք տեղեկատվական անվտանգության մասնագետ Սամվել Մարտիրոսյանի հետ։

Ի՞նչու է աղմկում Երևանը, ավելի կոնկրետ ի՞նչու են աղմկում գիշերային ժամերին հանրային սննդի օբյեկտները, եթե վարչական իրավախախտումների վերաբերյալ ՀՀ օրենսգիրքը նախատեսում է հստակ արգելք, ո՞վ պետք է վերահսկի, զրուցել ենք փաստաբան Անահիտ Բեգլարյանի հետ։

Ֆիզիկական անձանց տարեկան հայտարարագիր. ո՞վքեր, ե՞րբ, ու՞մ և ինչու՞ պետք է ներկայացնեն: Ինչպիսի՞ խնդիրների առաջ են կանգնել այսօր մարդիկ՝կզրուցենք իրավաբանական գիտությունների թեկնածու, դոցենտ Արմեն Եզեկյանի հետ։

Մայրաքաղաքային թեման շարունակվում է և այսօր մեր գեղեցիկ քաղաքի ոչ գեղեցիկ խնդիրների շուրջ զրուցելու ենք Երևան քաղաքի՝ «Ազգային առաջընթաց» խմբակցության ավագանու անդամ Քրիստինա Վարդանյանի հետ:

«Գոյ» թատրոնի կառավարման խորհրդի նախագահ Սարգիս Արզումանյանի, «Գոյ» թատրոնի դերասաններ՝ Սամվել Թոփալյանի և Արսեն Ազիզյանի հետ զրուցել ենք   թատրոնի շուրջ տեղի ունեցող գործընթացների, անժամկետ նստացույցի և հետագա անելիքների մասին։  

Մարտի 30-ից  մեր հանրապետության բոլոր առևտրային բանկերը, բացառությամբ ՎՏԲ բանկի,  դադարեցրեցին МИР քարտերի սպասարկումը։ Ի՞նչ է սա նշանակում և ի՞նչպիսին կարող են լինել հետևանքները հայկական տնտեսության համար զրուցել ենք տնտեսագետ Սուրեն Պարսյանի հետ:

Երգահան Լիլիթ Բլեյանի հետ զրուցել ենք «Ակադեմիական քաղաք»-ի հայեցակարգի և Երևանի Կոմիտասի անվան պետական կոնսերվատորիայի շուրջ տեղի ունեցող գործընթացների մասին։  

Սոցիալական արդարություն փոդքասթում զրուցել ենք «Առողջության իրավունք» հասարակական կազմակերպության համահիմնադիր, իրավապաշտպան Անուշ Պողոսյանի հետ: Թեման՝ էլեկտրոնային դեղատոմսեր, ինչու՞, ե՞րբ և ու՞մ համար էր այս որոշումը: Հեշտացրե՞ց, թե՞ բարդացրեց այն քաղաքացիների կյանքը:

Մարտի 8-ի օրվա խորհրդի, կարմիր գծերի, «բեռնաթափված» կենտրոնի, վիզաների հերթերի, անձնագրերի, աշխատանքային իրավունքների և այլ բազմաթիվ սոցիալական խնդիրների մասին զրուցել ենք փաստաբան Ինեսսա Վարդանյանի հետ։

Հայաստանի ծանրամարտի կանանց հավաքականի անդամ, երկրորդ տարին անընդմեջ Եվրոպայի առաջնության բրոնզե մեդալակիր ճանաչված Հռիփսիմե Խուրշուդյանի հետ խոսել ենք մեծ սպորտը լքելու, մեդալների հակառակ կողմի, ինչպես նաև իր հետագա անելիքների մասին։