I inspiruar nga një familjar, Krenar Roka ka dashur medoemos të përjetojë jetesën në Shtetet e Bashkuara. Por, kur ka shkuar, ai tregon sesi “realiteti i është përplasur fytyrës”. Fillimisht student, ai më vonë është bërë bashkëthemelues i një biznesi që po rritet gjithnjë e më shumë.

Vetëm 2.1 për qind e totalit të të gjithë studentëve të regjistruar në universitete publike dhe kolegje private të Kosovës, kanë studiuar për shkencat matematiko-natyrore, në vitin akademik 2021/2022. Pse ky trend, dhe sa kanë perspektivë në Kosovë studimet në këtë fushë? Bisedojmë me Avni Berishën, profesorin e kimisë në Universitetin e Prishtinës dhe Fjolla Azemin, e cila ka studiuar për matematikë financiare në po të njëjtin universitet.

Në këtë edicion të podkastit Të flasim, do të diskutojmë për traumën. Mund të mësoni për shkaktarët që çojnë deri te kjo gjendje, për simptomat, e deri te shërimi.

A po përballeni me lodhje emocionale? A po ju duket që keni zbrazëti brenda vetes? Ndoshta e keni humbur edhe kënaqësinë në aktivitetet që dikur i donit? Nëse po, ndoshta po përballeni me lodhje kronike. Psikologia Fiona Muhaxheri na tregon pse dikush përballet me këtë gjendje dhe si mund të menaxhohet.

I renditur në listën e revistës Forbes, 30 under 30, Benjamin Kolenoviq, beson se mund të bëjë revolucion në botën e marketingut digjital. Më 2020, ai e ka hapur kompaninë e tij Growzillas dhe deri më tani i ka mbi 150 klientë në Kosovë, Evropë dhe Shtetet e Bashkuara. Kolenoviq, i cili jeton në Prishtinë, beson se në Kosovë ka shumë pontecial për sukses, dhe se ka shumëçka për t’i dhënë vendit të tij.

Si të bëjmë zgjedhje të shëndetshme të të ushqyerit? Si t’i kontrollojmë nepset? A na lejohen ndonjëherë ushqimet me shumë vaj e sheqer? Këtyre dhe plot pyetjeve tjera rreth ushqimit u përgjigjet dietologia Vala Pupovci. Me të diskutojmë nëse ne jemi çfarë hamë dhe si lidhet ushqimi me gjendjen tonë emocionale e mendore.

Në këtë episod të podkastit Të flasim, bisedojmë me Suita Gorqin, 21-vjeçaren, e cila i kalon deri në 15 orë në ditë në TikTok. Përmbajtja në këtë platformë i është kthyer tashmë në punë. Me psikologen, Irma Sadikoviq, diskutojmë për rreziqet e trendeve që përhapen në TikTok - ngasja e makinës në deri 300 kilometra në orë, ngufatja e vetes deri në alivanosje dhe përzierjet e ilaçeve dhe alkoolit.

Në moshën 18-vjeçare, Tringa Krasniqi ka ëndërruar që të përfundojë studimet jashtë Kosovës. Mirëpo ideja e sigurimit të një burse i është dukur e pamundshme. Më vonë, pasi e ka jetësuar ëndrrën, ajo ka vendosur të hapë një qendër që u ndihmon të rinjve në procesin e aplikimit. Në këtë episod të podkastit Të flasim, diskutojmë me të për mundësitë e të rinjve për studime jashtë shtetit dhe përfitimet nga kjo përvojë.

Në këtë episod të podkastit Të Flasim, xhudistja Majlinda Kelmendi, futbollisti Vedat Muriqi, skitarja Kiana Kryeziu dhe artisti Lum Veseli na tregojnë si është ta përfaqësosh Kosovën në botë, lidhjen e tyre me flamurin e himnin e Kosovës dhe vullnetin për ta përmirësuar imazhin e shtetit të tyre jashtë kujfive.

Chatgpt është sensacioni më i ri në botën e inteligjencës artificiale. Ky aplikacion është i trajnuar që të simulojë bashkëbisedimet, t’iu përgjigjet pyetjeve përcjellëse, t'i pranojë gabimet, të sfidojë qëndrimet jokorrekte dhe të refuzojë kërkesat e papërshtatshme. Në këtë episod të podkastit Të flasim, diskutojmë me njohësin e fushës së teknologjisë, Darsej Rizaj. Ai shpjegon se çfarë është aplikacioni Chatgpt, kujt i konvenon, kujt i prish punë, pse po e "shqetëson edhe gjigantin Google", dhe nëse po e ndryshon botëkuptimin që ekziston për inteligjencën artificiale.

Jo pak prindër kanë dilema nëse po i rrisin si duhet fëmijët e tyre. Janë aq shumë gjëra për të menduar, dhe në disa drejtime. Rrëshqitja në prindërim të ashpër është sfidë më vete. Në këtë episod të podkastit, Të flasim, diskutojmë se si manifestohet ky lloj prindërimi te të rinjtë, si mund të luftohen traumat eventuale, por edhe se çfarë duhet të kenë parasysh prindërit.

Në episodin e ri të podkastit Të flasim, diskutojmë për bullizmin. Labinot Azemi tregon se si ka qenë i bullizuar gjithë jetën dhe si e mori guximin që të flasë publikisht për këtë gjë. Psikologia Shkurtë Bajgora tregon se çka duhet të kenë parasysh viktimat e këtyre ngacmimeve.

Në këtë episod të podkastit Të flasim, diskutojmë pse rreth 1 miliard të rinj në botë rrezikojnë të humbin dëgjimin dhe rolin e kufjeve në këtë problem.

Nëse telefoni juaj hapet sapo t’ia afroni fytyrën, dhe nëse të paktën një herë në ditë përdorni makinat e kërkimit në internet, siç është Google, do të thotë se jeni të rrethuar me inteligjencë artificiale më shumë sesa e keni menduar. Në këtë episod të podkastit Të flasim, diskutojmë për avancimin e inteligjencës artificiale, të mirat, jo të mirat, dhe nëse njerëzimi rrezikon të humbë kontrollin e saj.

A e njihni ndonjë grua apo vajzë të re në Kosovë, e cila nuk është përballur të paktën një herë në jetë me ngacmim seksual? Aktivistja nga Prishtina, Eurisa Rukovci mendon se nuk ka. Në këtë episod të podkastit, Të flasim, do të kuptojmë se pse nuk ndihen të sigurta gratë, si e mposhtin frikën dhe çfarë duhet të bëhet.

Nëse ju pyes se me çfarë note do ta vlerësonit cilësinë e arsimit në Kosovë, si do të përgjigjeshit? A e keni menduar se ku e kanë zanafillën pakënaqësitë për arsimin që i dëgjojmë shumë shpesh? Në këtë episod të podkastit, Të flasim, mund të mësoni se çfarë po i mungon sistemit të arsimit në Kosovë dhe a janë problemet aktuale të zgjidhshme.

A njihni fëmijë që nuk ushqehen nëse nuk kanë telefonin afër vetes, që nuk shtrihen për të fjetur pa e bërë edhe një kontroll të fundit në të? Ka shumë mundësi që po, dhe jo vetëm një apo dy. Në këtë edicion të podcastit, Të flasim mund të mësoni nga çka rrezikohen fëmijët në rast të përdorimit të tepërt të telefonit apo pajisjeve tjera teknologjike.

Në këtë episod të podcastit, Të flasim, e kemi ftuar profesorin, Aliriza Arënliu. Me të kemi biseduar se a flasim mjaftueshëm për shëndetin mendor, a ka alternativa për të kërkuar ndihmë në Kosovë, kur duhet kërkuar ndihmë, dhe cilat janë pasojat e shtypjes së çrregullimeve mendore. Kemi përmendur edhe ndikimin e pandemisë së koronavirusit në shëndetin mendor. Në çka duhet të fokusohemi? (Më 10 tetor shënohet Dita Botërore e Shëndetit Mendor. Ky material është publikuar për herë të parë më 18 shtator 2022)

Në edicionin e parë të podcastit, Të flasim, e kemi ftuar Hana Xhemajlin. Ajo është hulumtuese për politika shëndetësore dhe merret me sporte të ndryshme. Përgjatë bisedës, ajo tregon për rëndësinë e dedikimit të të paktën një ore në ditë për trupin dhe shëndetin tonë. Qoftë përmes ecjes, vallëzimit, notit, ngjitjes në mal apo ndonjë sporti tjetër, e rëndësishme është të lëvizni!