لو حاسس إن حياتك واقفة، أو إن ردود أفعالك دايمًا فيها غضب وتمرد مش فاهم سببه، غالباً الإجابة موجودة في 'البيت'. في حلقة النهاردة من بودكاست تميم عمرو، هنغوص في أعمق جروحنا عشان نعرف ليه بنكرر غلطات أهلنا، وإزاي نوقف دايرة الألم دي.كتير مننا بيضيع سنين في محاولة "تغيير أهله" أو انتظار دعم مش هييجي، والنتيجة بتكون إحباط مستمر. تميم...صاحبك الانتيم هيعرفك في الحلقة دي إن الحل مش في تغييرهم، لكن في فهم "خريطتك الداخلية". هنتكلم عن:الـ Teen Edge: ليه بنفضل مراهقين (جوا صراعاتنا) حتى لو كبرنا؟قانون المراية: ليه الحياة مش بتديك اللي إنت عايزه طول ما إنت بتعمل "حاجة غلط" جواك؟قوة الضعف: ليه الاعتراف بكسرتك هو أول خطوة عشان تبقى قوي فعلاً؟الطاقة الحيوية: إزاي أكلك ونومك وشاشتك ليهم علاقة مباشرة بقدرتك على مواجهة مشاكلك النفسية؟الحلقة دي مش مجرد كلام نظري، دي دعوة للتحرر من برامج قديمة اتحكمت فيك سنين، عشان تسترد قيمتك اللي اتولدت بيها.[00:00] ليه مقدرش أغير أهلي؟ ومقدمة عن صراعات "البيت".[02:29] جذور المشكلة: الفرق بين الضعف والقوة الحقيقية.[06:11] الغضب مش مجرد عصبية.. ده نافذة بتعرفك إنت محتاج إيه.[16:33] أول خطوة للتغيير: بطل تبرر ردود أفعالك.[20:26] "الحياة مراية".. لو مش عاجبك الواقع، غير اللي جواك.[25:16] التمرد كصرخة استغاثة: إزاي نتعامل معاه صح؟[33:11] علاقة أكلك ونومك بصحتك النفسية (الطاقة الحيوية).[42:24] إزاي تسترد قيمتك الذاتية وتفصلها عن تجارب طفولتك.[56:07] القبول الحقيقي vs الاستسلام.. إزاي تختار حريتك؟يمكنك أيضًا الاستماع إلى البودكاست على سبوتيفاي، آبل بودكاست، أنغامي.