Er allt andlegt gott? Er hægt að blanda kristinni trú við stjörnuspeki, nýaldarhugmyndir, miðla og annað?

Hefur þú einhverntíman pælt í Yoga? Það er frekar mikið trúarlegt við það, en margir hafa enga hugmynd um það, í dag ræða Gunnar og Svava málin.

Mikið hefur verið rætt um kyn, kynvitund og annað í samfélagslegri umræðu undanfarið, Gunnar og Svava demba sér í þetta umræðuefni.

Þetta ár hafa fóstureyðingar eitthvað verið í samfélagslegri umræðu, en Gunni og Svava demba sér í þetta málefni að bestu getu.

Ef Guð er svona rosalega góður afhverju er ekki bannað þrælahald í Biblíunni? Þetta er eitthvað sem margir pæla í þegar það kemur að trúnni og Svava og Gunni demba sér í djúpu laugina.

Oft þegar rætt er um trú á Íslandi er það ekkert endilega heift eða reiði sem eru viðbrögðin, frekar en áhugaleysi og ekki að sjá tilganginn í því að trúa á Guð ef lífið er fínt, Gunni og Svava demba sér í pælingar sem tengjast þessu.

Þetta er spurning sem við fengum senda inn, spurning sem flestir, ef ekki allir, sem byrja að hugsa um trú spyrja að, Gunni & Svava gera sitt besta að gefa Biblíuleg svör.

Einhver vildi heyra söguna okkar, sem er full af mistökum og náð Guðs, svo hér kemur sagan okkar, hvernig við ólumst upp, hvernig við komumst til trúar, hvernig það gerðist eiginlega að við byrjuðum kirkju sem svo á endanum leiddi yfir í Trú og Líf útvarpsþáttinn og hlaðvarpið :)

Biblían talar um hógværð, og varar gegn útlitsdýrkun, en hvernig leitast ég eftir því að sjá vel um sjálfan mig án þess að fallast í útlitsdýrkun? Hvar er millipunkturinn?

Gunnar og Svava gera sitt besta að gefa biblíuleg og hjálpleg svör :)

Spurningin sem kom inn hljómar svona: "Hversu hávær á ég að vera um trúnna mína? Ætti ég að fókusa á að fylgja Jesú í verki fyrst eða líka dreifa boðskapnum? Hversu mikilvægt er að vera komin langt í trúnni áður en ég fer að segja öðrum frá? Mér líður eins og ég sé ekki verðug og ekki reiðubúin að gefa svör."

Geggjaðar pælingar, við reynum okkar besta að gefa Biblíuleg ráð! :)

Jæja nú er þjóðkirkjan komin með nýjann biskup, hvað þýðir það fyrir hinn almenna kristna? Hefur hún eitthvað með mig eða okkur að gera?

Það eru aldeilis bombur sem þið eruð að senda á okkur, núna er það Þríeining Guðs, Gunnar og Svava demba sér í að ræða þessa kenningu kristinnar trúar.

Jæja spurningin þessa vikuna snýst að helvíti, hverjar eru mismunandi kenningarnar um helvíti og hver af þeim er rökréttust? Eftir að hafa spjallað aðeins um þetta þá sýnist mér við þurfa mun fleiri þætti um þetta, láttu okkur vita ef þú ert sammála.

"Hvernig kemst ég til trúar og hvar á ég að byrja?" er spurningin sem kom inn, mjög skemmtileg spurning sem Gunni og Svava demba sér í!

Við fengum inn spurningu frá nemanda sem líður eins og skólinn sinn sé að reyna að neyða sig til að samþykkja og fagna LGBT+, á maður að leitast eftir að lifa í sátt við fólkið sem er ósammála mér eða standa á heimsviðhorfi biblíunnar? Gunnar og Svava demba sér í þetta umræðuefni.

Ok, titillinn er frekar stuttur en spurningin sem við fengum hljómar svona: "hvað þýðir það þegar kristnir segjast hlakka til að Drottinn komi aftur? Hlakkar þeim til að deyja?"

Gunni og Svava taka þetta umræðuefni fyrir og reyna að útskýra hvernig bókstaflega allir kristnir hugsa.

Mikið er talað um skurðgoð í Biblíunni, en ég hef ekki séð marga vera að tilbiðja styttur, er þetta ekki svolítið úreltar hugsanir? Gunni og Svava koma með pælingar um skurðgoð nútíma samfélags, þetta er ekki lengur í Beta heldur 2.0

Ertu Baptisti? Lúterskur? Hvítasunnumaður? Methodisti? Presbyterian(isti?)?

Afhverju eru kirkjudeildir og hver þeirra hefur rétt fyrir sér!? Gunni og Svava reyna að útskýra þessa víðu spurningu.

Afhverju eru ekki til techno kirkjur!? Afhverju er Orgel svona stór hluti af kirkjum? Segir Biblían eitthvað um tónlist í kirkjum, um afhverju við syngjum eða hvernig við eigum að syngja? Gunni og Svava DEMBA sér út í djúpu laugina.

Það er mögulega of lítið talað um þetta umræðuefni, sérstaklega í ljósi þess að Biblían leggur mikið upp úr því að vara okkur á falskennurum og falsspámönnum, en spurningin sem við fengum senda inn er þessi, hvernig vitum við hverjir eru falskennarar?

Ef þú ert með spurningu farðu endilega á www.truoglif.is og sendu inn pælingar sem þú ert með :)