Mae'r EUROs ar ben gyda'r Eidal yn bencampwyr! Gwennan Harries sydd yn ymuno â Rhydian a Sioned am rifyn olaf y gyfres wrth iddynt edrych yn ôl dros holl gyffro'r gystadleuaeth ac edrych ymlaen at obeithion Cymru o gyrraedd Qatar 2022!
Ymunwch â Sioned, Rhydian ac Iwan wrth iddynt edrych yn ôl dros ymgyrch Cymru yn EWRO 2020 yn ogystal ag edrych ymlaen at y dyfodol a'r daith i Qatar 2022.
Am yr ail dro yn olynol, mae Cymru fach wedi sicrhau ein lle yn Rownd yr 16 olaf yn yr Ewros. Ymunwch â Rhydian, Sioned ac Iwan i edrych yn ôl dros brynhawn anesmwyth yn Rhufain ac ymlaen at gêm enfawr yn Amsterdam.
Yn dilyn y fuddugoliaeth anhygoel i ddynion Robert Page yn Baku, mae Iwan Roberts yn ôl gyda Sioned a Rhydian i drafod gobeithion Cymru yn Rhufain.
V V VAR a Pheniad Kieffer Moore! 😍
Iwan Roberts sydd yn ymuno â Sioned a Rhydian i edrych yn ôl ar gêm y Swistr ac ymlaen i'r gêm ENFAWR yn erbyn Twrci! 🏴
The Naw Deg discuss Christian Eriksen, the possibility of dropping Aaron Ramsey and Super Danny Ward.
Ar ôl dros flwyddyn hir o ysu ac aros, mae'r EUROs wedi cyrraedd! Mae Rhydian a Sioned yn cael cwmni Dylan Ebenezer ac Owain Tudur Jones o Baku gyda holl hanes y trip hyd yn hyn a rhagolwg i'r gêm fawr yn erbyn y Swistir.
Gyda llai na phythefnos i fynd tan i Gymru gychwyn eu hymgyrch yn Baku, Nic Parry sydd yn ymuno â Rhydian a Sioned i drafod holl gyffro'r gêm gyfeillgar yn Ffrainc ac edrych ymlaen at weld y Wal Goch yn ôl yn Stadiwm Dinas Caerdydd ar gyfer y gêm yn erbyn Albania.
Mae'r pendroni a'r dyfalu ar ben wrth i Robert Page enwi'r 26 chwaraewr fydd yn cynrychioli Cymru yn EWRO 2020. John Hartson sydd yn ymuno â Rhydian a Sioned i drafod y garfan ac edrych ymlaen at y ddwy gêm gyfeillgar yn erbyn Ffrainc ac Albania.
Iwan Roberts sydd yn ôl ar y Naw Deg yr wythnos hon wrth i Abertawe a Chasnewydd sicrhau eu lle yn Wembley ar y penwythnos. Mae Rhydian a Sioned hefyd yn croesawu Rhian Angharad Davies i'r sioe, fel cystadleuydd gyntaf ein cystadleuaeth, 'Y Cymry oddi Cartref'.
Mae yna ddau westai arbennig am bris un ar Y Naw Deg yr wythnos hon wrth i Sioned a Rhydian groesawu Aeron Edwards i drafod buddugoliaeth hanesyddol Cei Conna yn y JD Cymru Premier, ac wrth i gefnogwr brwd yr Elyrch, Meilyr Emrys drafod gobeithion Abertawe o gyrraedd yr Uwch Gynghrair.
Gyda llai na fis i fynd tan EURO 2020, y cerddor, cyflwynydd, cyn-chwaraewr ac aelod brwd o'r Wal Goch, Yws Gwynedd sydd yn ymuno â Rhydian a Sioned ar y Naw Deg wrth iddynt edrych ymlaen at gychwyn y Bencampwriaeth.
Yn dilyn boicot cyfryngau cymdeithasol dros y penwythnos, mae'r Naw Deg yn ôl! Malcolm Allen sydd yn ymuno â Rhydian a Sioned wrth iddynt ymateb i'r newyddion mai Robert Page fydd yn arwain Cymru i'r Ewros a cheisio dewis y garfan fydd ar yr awyren.
Iwan Roberts sydd yn ymuno a Rhydian a Sioned yr wythnos hon i drafod wythnos ryfeddol ym myd pêl-droed Ewropeaidd, yn ogystal â thrafod gobeithion y timau o Gymru wrth i ddiwedd y tymor agosáu.
Laura McAllister sydd yn ymuno â Sioned a Rhydian yr wythnos hon i drafod ei hymgyrch arbennig i ennill sedd ar Gyngor FIFA ac i drafod effaith Gemma Grainger ar dîm Menywod Cymru.
Ymunwch a Rhydian a Sioned wrth iddynt edrych yn ôl ar Basg anodd iawn i Abertawe a Chaerdydd, tra bod Angharad James yn ymuno â'r Naw Deg i drafod ei gyrfa hyd yn hyn ac edrych ymlaen at benwythnos mawr i Gemma Grainger a thîm menywod Cymru.
Owain Tudur Jones sydd yn ymuno â Sioned a Rhydian yr wythnos hon wrth iddynt edrych yn ôl dros wythnos brysur i'r tîm cenedlaethol ac edrych ymlaen at benwythnos o bêl-droed yn y Gynghrair!
Yn dilyn siom agoriadol yn erbyn Gwlad Belg, Gwennan Harries sydd yn ymuno â Sioned a Rhydian i edrych ymlaen at y gemau yn erbyn Mecsico a Gweriniaeth Tsiec.
Croeso i'r Naw Deg! Podlediad newydd sbon yn trafod hynt a helynt y bêl gron yng Nghymru a thu hwnt.
Ymunwch â'n cyflwynwyr, Rhydian Bowen-Phillips a Sioned Dafydd wrth iddynt drafod Darbi De Cymru ac edrych ymlaen at wythnos enfawr i'r tîm cenedlaethol yng nghwmni Dylan Ebenezer.