Hvað gerir þú til að leggja þitt af mörkum í þágu umhverfisins? Við getum öll gert betur, og í þessum þætti ræða Ingileif og María það sem þær hafa gert og hvernig við getum tekið skref í átt að grænni framtíð.  Þátturinn er í boði ChitoCare og Playroom.is

Hver er skjátíminn þinn? Er það fyrsta sem þú gerir þegar þú vaknar að opna símann þinn, og það síðasta sem þú gerir áður en þú ferð að sofa? Hvers vegna erum við öll svona miklir fíklar miðlanna? Ingileif og María ræða skuggahliðar samfélagsmiðla og hvernig við getum passað okkur að nota þá bara til góðs. Þátturinn er í boði ChitoCare og Playroom.is

Á tímum eins og þeim sem við lifum núna er mjög auðvelt að leiðast, enda mjög margt leiðinlegt í gangi í heiminum. Hvernig getum við unnið með þetta og látið okkur síður leiðast? Ingileif og María ræða hvað hefur hjálpað þeim í að komast í gegnum síðustu vikur og mánuði. Þátturinn er í boði ChitoCare og Playroom.is

Hvað eru draumar og af hverju dreymir okkur? Ingileif og María ræða um drauma, heilann og allt það undarlega sem við mannfólkið vitum svo ótrúlega lítið um. Þátturinn er í boði ChitoCare og Playroom.is

Þvo hendur og spritta, setja upp maska, knúsa engan, forðast mannamót, snerta ekkert og halda sig heima. Það er nú ekki að furða að þetta allt saman valdi einhvers konar kvíða hjá okkur öllum! Ingileif og María ræða um hinn svokallaða sóttkvíða, hvenær hann er farinn að vera úr hófi og hvernig er best að díla við hann.  Þátturinn er í boði ChitoCare og Playroom.is.

Af hverju er mikilvægt að við pælum í pólitík? Ingileif og María fara yfir það hvers vegna það er nauðsynlegt að mynda sér skoðun, kjósa og taka þátt í lýðræðissamfélagi. Þátturinn er í boði Chito Care og Playroom.is.

Hvernig getum við elskað okkur meira og hvað er sjálfsást í raun? Ingileif og María reyna að finna svörin við því, sem þær eru samt enn að leita að. Þátturinn er í boði ChitoCare og Playroom.is

Hvernig líður þér í dag? Tilfinningar eru alls konar og það er allt í lagi að líða eins og manni líður. Ingileif og María ræða tilfinningar og hvernig þeim finnst best að tækla sínar tilfinningar. Þátturinn er í boði Chito Care og Playroom.is.

Hvers vegna upplifum við hlutina ólíkt? Og hvers vegna platar minnið okkur stundum? Ingileif og María velta upp ýmsum pælingum um upplifanir, og afhjúpa sannleikann á bakvið stórhættulega lífreynslu og sprenghlægilega upplifun á gamlársdag.  Þátturinn er í boði Chito Care og Playroom.is.  

Hvers vegna hlýðum við yfirvaldi og förum eftir því sem okkur er sagt? Hlýðni og fylgispekt eru viðfangsefni dagsins, þar sem María fer yfir áhugaverðar rannsóknir og þær Ingileif ræða ýmsa vinkla hlýðni og fylgispektar í samfélaginu, á tímum Covid. Þátturinn er í boði Chito Care.

Af hverju erum við stöðugt að velta okkur upp úr því hvað öðru fólki finnst? Eigum við ekki bara öll að vera nákvæmlega eins og við erum í friði, hvað svo sem öðrum finnst um það? Ef við viljum ganga með kúrekahatt alla daga, vera alltaf í grænum skóm, já eða baða okkur nakin útí læk - þá skulum við bara gera það! Ingileif og María ræða það hvers vegna við ættum öll að hætta að pæla í öðru fólki og fara að láta okkur vera aðeins meira sama. 

Hvað er að vera svona og hvað er að vera hinsegin? Ingileif og María ræða hinseginleikann í tilefni Hinsegin daga sem fóru fram á dögunum. Hvernig er það að vera hinsegin einstaklingar á Íslandi í dag, og hvers vegna skilgreinum við okkur hinsegin þegar við erum ekkert öðruvísi en næsta manneskja? 

Fjölskyldur eru alls konar. Í þessum þætti fara Ingileif og María yfir mismunandi fjölskylduform og mikilvægi þess að búa til pláss fyrir alls konar fjölskyldur í samfélaginu - ásamt því að ræða sína upplifun af því að skapa fjölskyldu saman.   Þátturinn er í boði Domino's og Chito Care. 

Í 10. þætti Raunveruleikans fara Ingileif og María um víðan völl og leyfa flæðinu að ráða. Þátturinn er með aðeins öðru sniði en vanalega, og laus í reipunum - en það er líka sumar og það má! Þær rifja upp ýmis bernskubrek og vandræðaleg augnablik, í bland við hinn víðfræga sannleikann eða kontór, SPK - já eða rússneska póstinn. Meira um það í þættinum! Þátturinn er í boði Domino's og Chito Care. 

Eftir fjölda áskorana ákváðu Ingileif og María, í tilefni af tveggja ára brúðkaupsafmæli sínu, að helga nýjasta þátt Raunveruleikans þeirri mannlegu athöfn að gifta sig. Giftingar geta verið alls konar og eru jafn mismunandi og fólkið sem kýs að innsigla ást sína með þeim hætti. Hjónurnar fara um víðan föll, ræða eigið brúðkaup og umstangið sem því fylgdi auk þess að rifja upp ýmsar minningar því tengdu. Þátturinn er í boði ChitoCare og Dominos og var tekinn upp í „stúdíó-ömmu“ á Flateyri. 

Ferðasumarið 2020 er hafið og í þetta skiptið munu líklegast flestir ferðast innanlands. En hvert er skemmtilegast að fara, hvar eru bestu náttúrulaugarnar og er hringurinn í raun hringurinn án mikilvægasta landshlutans? Ingileif og María fara á léttum nótum yfir ferðalög um landið og deila sögum af sínum ferðalögum. Gleðilegt ferðasumar!

Við leitum mörg hver allt lífið að hinni einu sönnu lífshamingju. En hvað raunverulega gerist þegar við setjum hamingjuna á slíkan stall? Erum við of upptekin við að leita að einhverju, og gleymum að sjá hvað er beint fyrir framan okkur? Ingileif og María ræða um hamingjuna, hvað hún er og hvernig við getum séð hana allt í kringum okkur, ef við erum tilbúin að horfa.

Kemst einhver í gegnum lífið án þess að lenda í áföllum? Það eru hverfandi líkur á því. Áföll móta okkur og eru oft rót ýmissar hegðunar hjá okkur öllum. María opnar sig upp á gátt um sitt stærsta áfall, og hvernig henni hefur tekist að vinna sig út úr því. Hjónin fara svo yfir það hvað áföll geta kennt okkur og hvernig við getum unnið úr þeim. 

Fordómar eru víða og eiga sér ýmsar birtingarmyndir. En hvernig upprætum við þá? Í þessum þætti Raunveruleikans ræða Ingileif og María mikilvægi þess að horfast í augu við eigin fordóma, hvers vegna fjölbreytileikinn er mikilvægur og hvernig forréttindi okkar geta oft blindað okkur. 

Hvað er það sem gerir fólk að góðum manneskjum? Viljum við verða bestu manneskjur í heimi? Ingileif og María ræða ýmsar manngerðir, hvernig hægt er að leggja sig fram við að verða betri og velta því upp hvað það er sem raunverulega skiptir máli í þessu lífi.